ශ්‍රී ලංකාවේ ප්‍රථම උණුසුම් ජලය සහිත මහජන පිහිනුම් තටාකය සඳහා
මුල්ගල් තැබීම බණ්ඩාරවෙල ඌව පළාත් ක්‍රීඩා සංකීර්ණ පරිශ්‍රයේදී සිදු
කෙරුණා.
තරුණ කටයුතු සහ ක්‍රීඩා සංවර්ධන දෙපාර්තමේන්තුවේ සෘජු අධීක්ෂණය
යටතේ මෙම ව්‍යාපෘතිය ක්‍රියාත්මක වනවා.
මෙම නිල සමාරම්භක අවස්ථාවට ප්‍රධාන අමුත්තා ලෙස තරුණ කටයුතු
සහ ක්‍රීඩා අමාත්‍ය සුනිල් කුමාර ගමගේ මහතා සහභාගී වුණා.
එහිදී අමාත්‍යවරයා අදහස් දක්වමින් කියා සිටියේ, මෙරට තරුණයන්
විනයගරුක ක්‍රීඩකයන් බවට පත්කිරීමේ තවත් එක් සුවිශේෂී ව්‍යාපෘතියක්
ලෙස මෙය හඳුන්වා දිය හැකි බවයි.
