කාර්ය මණ්ඩල සාමාජිකයින් පස් දෙනෙකු රැගත්, භාණ්ඩ ප්‍රවාහන ගුවන්
යානයක් කාර්ය මණ්ඩලය සමග කරච්චියට නුදුරු අහසේදී අතුරුදන්ව
තිබෙනවා.
මෙලෙස අතුරුදන්ව තිබුණේ K2 එයාර්වේස් සමාගම මගින් ක්‍රියාත්මක
කරන භාණ්ඩ ප්‍රවාහන ගුවන් යානයක්.
නාවික පද්ධතියේ දෝෂයක් වාර්තා කිරීමෙන් අනතුරුව ඊයේ රාත්‍රියේ ගුවන්
ගමන් පාලක මැදිරිය සමග තිබූ සම්බන්ධතාව ගිලිහී ගොස් ඇති බව
පාකිස්තාන ගුවන් සේවා බලධාරීන් පවසන බව විදෙස් මාධ්‍ය සඳහන් කළා.
අතුරුදහන් වූ ගුවන් යානය සොයා ගැනීම සඳහා විවිධ ආයතන හරහා
මුහුදේ ඒකාබද්ධ සෙවීමේ සහ මුදවා ගැනීමේ මෙහෙයුමක් ආරම්භ කර
තිබෙනවා.
K2 එයාර්වේස් සමාගම සඳහන් කළේ තමන් පාකිස්තාන සිවිල් ගුවන් සේවා
බලධාරීන් සහ අනෙකුත් රාජ්‍ය ආයතන සමග සහයෝගයෙන් කටයුතු කරන
බවයි.
