මීගමුව බන්ධනාගාරයේ ඇති වූ ප්රචණ්ඩකාරී සිද්ධිය සම්බන්ධයෙන් වන විමර්ශන කොළඹ අපරාධ පරීක්ෂණ දෙපාර්තමේන්තුව සහ අපරාධ විමර්ශන දෙපාර්තමේන්තුව විසින් ආරම්භ කර තිබේ.
ඒ සඳහා වන අධිකරණ නියෝගයක් ද මේ වනවිට ලබාගෙන ඇති බවද සඳහන් වනවා .
මීගමුව බන්ධනාගාරයේ ඇතිවූ ප්රචණ්ඩකාරී සිද්ධිය සම්බන්ධයෙන් කමිටුවක් පත් කිරීමට අමාත්ය මණ්ඩලය අනුමැතිය ලබාදී තිබෙනවා.
ඒ සිදුවීමක් සම්බන්ධයෙන් විධිමත් හා පුළුල් විමර්ශනයක් සිදුකර, සිද්ධියට හේතු වූ කරුණු, ඒ පිළිබඳ ගත යුතු ක්රියාමාර්ග සහ එවැනි සිදුවීම් යළි ඇතිවීම වැළැක්වීම සඳහා ගත යුතු නිර්දේශ ඇතුළත් වාර්තාවක් ඉදිරිපත් කිරීම සදහායි.
එම කමිටුවේ සභාපතිවරයා ලෙස විශ්රාමික ශේෂ්ඨාධිකරණ විනිසුරු ප්රියන්ත ප්රනාන්දු මහතා පත් කර තිබෙනවා.
විශ්රාමික අතිරේක සොලිසිටර් ජනරාල්, ජනාධිපති නීතිඥ මිලින්ද ගුණතිලක මහතා සහ ජනාධිපති නීතිඥ මොහාන් වීරකෝන් මහතා සෙසු සාමාජිකයන් ලෙස පත් කර ඇති බවයි වාර්තා වන්නේ.
අදාළ කමිටුව විසින් සිද්ධිය පිළිබඳ සියලු කරුණු පුළුල් ලෙස විමර්ශනය කර, තම නිර්දේශ සහිත වාර්තාව රජයට ඉදිරිපත් කිරීමට නියමිත බවද රජයේ ප්රවෘත්ති දෙපාර්තමේන්තුවේ නිවේදනය කළා.
