සෞදි අරාබියේ බටහිර කලාපයේ මතුවෙමින් පවතින තත්ත්වයන් හමුවේ එම කලාපයේ වෙසෙන ශ්‍රී ලාංකිකයින්ට ජෙඩා හි පිහිටි කොන්සල් ජනරාල් කාර්යාලය විශේෂ නිවේදනයක් නිකුත් කර තිබෙනවා. එම නිවේදනය මගින් සඳහන් කර ඇත්තේ සිය ජංගම දුරකතනයට හදිසි අනතුරු ඇඟවීමක් ලැබුණහොත් ආරක්ෂිත ක්‍රියාමාර්ග ගන්නා ලෙසයි. එමෙන්ම හදිසි අවස්ථා සම්බන්ධව හදිසි සේවා අංක ලෙස මක්කා සහ මදීනා කලාප තුළ 911 යන දුරකතන අංකයත් අනෙකුත් ප්‍රදේශවල 998 දුරකතන අංකයත් අමතන ලෙසද ඔවුන් දැනුම්දී තිබෙනවා. තවද කොන්සල් ජනරාල් කාර්යාලයේ හදිසි සම්බන්ධතා අංකය වන 056 098 6671 යන අංකය ඇමතිය හැකි බවත් එම නිවේදනයේ දැක්වෙනවා.
