මෝටර් රථ ප්‍රවාහන දෙපාර්තමේන්තුවේ වායු විමෝචන අංශය මගින් අධික ලෙස දුම් පිට කරන වාහන සම්බන්ධයෙන් දැනුම් දෙන ලෙස මහජනතාවගෙන් ඉල්ලීමක් කර තිබෙනවා.
ඒ පිළිබදව දැනුම් දීම සදහා 070 350 0525 යන වට්ස්ඇප් දුරකථන අංකය ද එම දෙපාර්තමේන්තුව මගින් හඳුන්වා දෙනු ලැබුවා.
පෞද්ගලික බස් රථ මෙන් ම ලංකා ගමනා ගමන මණ්ඩලයේ බස් රථ මෙන්ම රජයේ වාහන මෙන්ම පොලිසියේ වාහන සම්බන්ධයෙන් ද එලෙස පැමිණිලි රැසක් ලැබී ඇති බව සදහන්.
සෑම මසකම අවසාන සතියේදී කොළඹ බැස්ටියන් මාවතේ පෞද්ගලික බස් රථවල දුම් පරීක්ෂාව සිදු කරනු ලබනවා.
ඒ අනුව පසුගිය මස සිදු කරන ලද පරීක්ෂාවෙන් බස් රථ 40% වැඩි ප්‍රමාණයක් දුම් පරීක්ෂාවෙන් අසමත් වී ඇති බවටයි මෝටර් රථ ප්‍රවාහන දෙපාර්තමේන්තුවේ අධ්‍යක්ෂ ජනරාල්වරයා මාධ්‍ය හමුවක් අමතමින් කියා සිටියේ.
මෙහිදි අසමත් වන වාහන දින 14 ක කාලයක් තුළ වේරහැර ප්‍රධාන කාර්යාලය වෙත යොමු කර අදාළ පරීක්ෂාවන් සිදු නොකරන්නේ නම් එම ආදායම් බලපත්‍ර අසාදු ලේඛනගත කරන බවටයි මෝටර් රථ ප්‍රවාහන දෙපාර්තමේන්තුව වැඩි දුරටත් අවධාරණය කළේ.
