ශ්රී ලංකාවේ සංචාරක වීසා පිළිබඳ සිදුකළ වෙනස්කම් සම්බන්ධයෙන් මාලදිවයිනේ විදේශ කටයුතු අමාත්යාංශය නිවේදනයක් නිකුත් කර තිබෙනවා .
දැනට පවතින ක්රියා පටිපාටිය අනුව මාලදිවයින් වැසියන්ට ශ්රී ලංකාවට පැමිණීමෙන් පසු දින 30ක සංචාරක වීසා බලපත්රයක් නොමිලේ ලබා ගත හැකි බවයි ඔවුන් එහි සඳහන් කර තිබෙන්නේ.
එමෙන්ම දින 30කට වැඩි රැඳී සිටීමක් සඳහා, මාලදිවයින් ජාතිකයින්ට නොමිලේ මාස 6ක වීසා බලපත්රයක් සඳහා අන්තර්ජාලය හරහා අයදුම් කළ හැකි අතර මෙම වීසා බලපත්රයට පරිපාලන ගාස්තුවක් අය කරනු ඇති බවද දන්වා තිබෙනවා .
එසේ නොමැතිව දැනටමත් ශ්රී ලංකාවේ සිටින සහ වීසා දිගුවක් අවශ්ය මාලදිවයින් ජාතිකයින් සඳහා කොළඹ මාලදිවයිනේ මහ කොමසාරිස් කාර්යාලය හා සම්බන්ධ විය හැකි බව එම නිවේදනයේ වැඩිදුරටත් සඳහන්.
