කොළඹ – කුරුණෑගල මාර්ගයේ මැටිකුඹුර ආසන්නයේදී ලංගම බස් රථ දෙකක් එකිනෙක ගැටී සිදුව වූ අනතුරකින් තිදෙනෙකු තුවාල ලබා රෝහල් ගත කර තිබෙනවා .
කොළඹ දෙසට ධාවනය වූ බස් රථය අනෙක් බස් රථයට ප්‍රථම ගමන් කිරීමට යාමේදී මෙම අනතුර සිදුව ඇති බව සදහන් .
අනුරාධපුර ඩිපෝවට අයත් ලංගම බස් රථ දෙකක් අද අලුයම එලෙස එකිනෙක ගැටී තිබෙනවා .
අදාළ අනතුරින් තුවාල ලබා ඇත්තේ, පසුපසින් පැමිණි බස් රථයේ කොන්දොස්තරවරයා හා ඉදිරිපස බසයේ පිටුපස ආසනයේ ගමන්ගත් පුද්ගලයින් දෙදෙනෙක් .
ඔවුන් කුරුණෑගල රෝහලට ඇතුළත් කර ඇති අතර සිද්ධිය සම්බන්ධයෙන් පොල්ගහවෙල පොලීසිය වැඩිදුර විමර්ශන ආරම්භ කර තිබෙනවා .
මේ අතර තඹුත්තේගම ප්‍රදේශයේ දී සිදුවු අනතුරකින් තරුණයෙක් ජීවිතක්ෂයට පත්ව තිබෙනවා .
ගල්නෑව දෙස සිට බුල්නෑව දෙසට ධාවනය කළ මෝටර් රථයක් වේගය පාලනය කරගැනීමට නොහැකිව මාර්ගයේ දකුණු පසට ගොස් ගසක ගැටී පෙරළී අනතුර සිදුව ඇති බව සදහන් .
අනතුර සිදුවන අවස්ථාවේ මෝටර් රථය පදවාගෙන පැමිණි රියදුරු පළාගොස් ඇති අතර, අනතුරින් මෝටර් රථයේ ගමන්ගත් පිරිමි පුද්ගලයින් තිදෙනෙක් තුවාල ලබා තිබෙනවා .
ගල්නෑව රෝහලට ඇතුළත් කිරීමේ දී ඉන් එක් අයෙක් ජීවිතක්ෂයට පත්ව ඇති බවයි අප වාර්තාකරු පැවසුවේ .
එලෙස මියගොස් ඇත්තේ, අවුරුදු 25ක වයසැති එම ප්‍රදේශයේම පදිංචිකරුවෙක් .
තුවාල ලැබු අනෙක් පුද්ගලයින් දෙදෙනා වැඩිදුර ප්‍රතිකාර සඳහා අනුරාධපුර රෝහලට ඇතුළත් කර තිබෙනවා .
