එක්සත් අරාබි එමීර් රාජ්යයේ පැවැත්වෙන ජාත්යන්තර ලීග් 20යි 20 ක්රිකට් තරගාවලියේ දෙවැනි අදියර සඳහා ගිවිසුම්ගත වූ ක්රීඩකයින්ගේ ලැයිස්තුවක් තරගාවලියේ සංවිධායකයින් විසින් ඊයේ නිවේදනය කළා.
ඒ අනුව ඩේවිඩ් වෝනර්, මාර්ක් වුඩ්, ශඩාබ් ඛාන් සහ අම්බති රයිදු වැනි ප්රබල ක්රීඩකයින් ද දෙවැනි අදියර වෙනුවෙන් ගිවිසුම් ගත වීමටයි පියවර ගෙන ඇත්තේ.
වෝනර් හා වුඩ් ඩුබායි කැපිටල්ස් කණ්ඩායම සමග ද, ශඩාබ් ඛාන් ඩෙසර්ට් වයිපර්ස් කණ්ඩායම සමඟ ද ගිවිසුම්ගත වී තිබෙනවා.
පාකිස්තාන ක්රීඩකයින් වන ශහීන් ශාහ් අෆ්රිඩි හා අසාම් ඛාන් ද වයිපර්ස් කණ්ඩායම නියෝජනය කිරීමට නියමිතයි. දිනේෂ් චන්දිමාල්, මතීෂ පතිරණ හා වනිදු හසරංග ද වයිපර්ස් සංචිතය සමග රදවා ගැනීමට මීට පෙර පියවර ගැණුනා.
ඉන්දීය ක්රිකට් පිටියට සමු දුන් රයිදු ජාත්යන්තර ලීග් 20යි 20 ක්රිකට් තරගාවලියේ දී නියෝජනය කිරීමට නියමිතව ඇත්තේ එම්.අයි. එමිරේට්ස් කණ්ඩායමයි.
එම කණ්ඩායම සඳහා ශ්රී ලංකාවේ කුසල් ජනිත් පෙරේරා ද ක්රීඩා කිරීමට නියමිතව තිබෙනවා. එමෙන්ම පාදග පන්දු යවන ක්රීඩක විජයකාන්ත් වියස්කාන්ත් එමිරේට්ස් කණ්ඩායම සමග ගිවිසුම් ගත වී ඇති බවද ඊයේ තහවුරු කෙරුණා.
මාර්ටින් ගප්ටිල් හා ශ්රී ලංකා දග පන්දු යවන ක්රීඩක මහීෂ් තීක්ෂණ සාජා වොරියර්ස් කණ්ඩායම සමග ගිවිසුම්ගත වී තිබෙනවා. මීට අමතරව ඩිල්ෂාන් මදුෂංක හා කුසල් මෙන්ඩිස් ද වොරියර්ස් කණ්ඩායමට ඇතුළත්.
මේ අතර, ඩුබායි කැපිටල්ස් කණ්ඩායම විසින් දසුන් ශානක, නුවන් තුෂාර, සධීර සමරවික්රම, ඇන්ඩෘ ටයි, රහ්මනුල්ලාහ් ගුර්බාස් හා සෑම් බිලින්ග්ස් සමඟ ගිවිසුම්ගත වී ඇති බවටයි නිවේදනය කෙරුණේ. දුෂ්මන්ත චමීර එම කණ්ඩායමේ රඳවා ගැනීමට ද මීට පෙර පියවර ගැණුනා.
අබුඩාබි නයිට් රයිඩර්ස් කණ්ඩායම විසින් චරිත් අසලංක සිය කණ්ඩායමේ තවදුරටත් රඳවා ගැනීමට ද මීට පෙර පියවර ගැණුනා.
ඒ අනුව මේ වන විට නිවේදනය කර ඇති සමස්ත ක්රීඩක ලැයිස්තුවට අනුව ශ්රී ලංකා ක්රීඩකයින් 13 දෙනෙකු මෙම තරගාවලිය සඳහා ක්රීඩා කිරීමට නියමිතව සිටිනවා.
ජාත්යන්තර ලීග් 20යි 20 ක්රිකට් තරගාවලියේ දෙවැනි අදියර 2024 වසරේ ජනවාරි 13 වැනිදා ආරම්භ වීමට නියමිතයි.
