ශ්‍රී ලංකාවේ පිහිටි සියලුම ඉන්ධන පිරවුම්හල්වලින් අද(15) සිට QR කේත ක්‍රමය ඔස්සේ ඉන්ධන නිකුත් කිරීම සිදු කරන බව බලශක්ති අමාත්‍යංශය පවසනවා.
එම අමාත්‍යංශය වැඩිදුරටත් පවසන්නේ අද(15) උදෑසන 6 සිට මෙම ක්‍රමය ක්‍රියාත්මක බවයි.
පසුගිය ආර්ථික අර්බුද සමයේදී ලියාපදිංචි වී ඇති සහ විස්තර වෙනස් නොවූ පාරිභෝගිකය්න සඳහා ඊයේ(14) මධ්‍යම රාත්‍රීයේ සිට https://fuelpass.gov.lk යන වෙබ් අඩවිය වෙත පිවිසිමෙන් තමන්ට හිමි QR කේතය ලබාගත හැකි බවයි බලශක්ති අමාත්‍යංශය පවසන්නේ.
එසේම වාහනයේ හිමිකාරිත්වය හෝ දුරකථනය අංකය වෙනස් වී ඇති නම් අද(15) උදෑසන 6 සිට https://fuelpass.gov.lk යන වෙබ් අඩවියෙන් නැවත ලියාපදිංචි විය යුතු වනවා.
පෙර QR කේතය ලියාපදිංචි නොකළ සහ මෝටර් රථ ප්‍රවාහන දෙපාර්තමේන්තුවේ අලුතින්ම ලියාපදිංචි කරන ලද වාහන ද අද(15) උදෑසන 6 සිට https://fuelpass.gov.lk යන වෙබ් අඩවියේ ලියාපදිංචි විය යුතු බවද සඳහන්.
එලෙස ලියාපදිංචිවීමෙන් පසුව සතියක පහත දැක්වෙන ලෙස එක් එක් වාහන කාණ්ඩ සඳහා ඉන්ධන නිකුත් කෙරෙන බවත් QR කේතය නොමැතිව කිසිදු අවස්ථාවක ඉන්ධනා නිකුත් නොකරන බවත් බලශක්ති අමාත්‍යංශය වැඩිදුරටත් පවසනවා.
බස් රථ සඳහා ලීටර් 60ක්ද මෝටර් සයිකල් සඳහා ලීටර් 05ක්ද වෑන් රථ සඳහා ලීටර් 40ක්ද නිකුත් කෙරෙනු ඇති.
මෝටර් රථ සඳහා ලීටර් 15ක්, මෝටර් ලොරි සඳහා ලීටර් 200ක්, ඉඩම් වාහන සඳහා ලීටර් 25ක්, මෝටර් ත්‍රීරෝද රථ සඳහා ලීටර් 15ක්, විශේෂ කාර්ය වාහන සඳහා ලීටර් 40ක් සහ ක්වොඩි්‍රසයිකල් සඳහා ලීටර් 5ක්ද නිකුත් කිරීමට නියමිතයි.
එසේම පුද්ගලික මගී ප්‍රවාහන බස් රථ සඳහා ශ්‍රී ලංකා ගමනාගමන මණ්ඩලය මගින් ඉන්ධන නිකුත් කරන බව බලශක්ති අමාත්‍යංශය වැඩිදුරටත් පවසනවා.
