ජාත්‍යන්තර මූල්‍ය අරමුදලේ ණය පහසුකම සඳහා ඇති ප්‍රධාන බාධාව මෙරට ණය ප්‍රතිව්‍යුහගත කිරීමට චීනය දක්වන ධනාත්මක ප්‍රතිචාරය ප්‍රමාද වීම බව අධිකරණ අමාත්‍ය විජේදාස රාජපක්ෂ මහතා පවසනවා.
ජාත්‍යන්තර ප්‍රජාවේ විශ්වාසය ශ්‍රී ලංකාවේ ආර්ථිකය පිළිබඳ තහවුරු කර ගැනීම සඳහා ජාත්‍යන්තර මූල්‍ය අරමුදලේ සහාය අත්‍යවශ්‍ය බවයි අමාත්‍යවරයා සදහන් කලේ .
පසුගිය 2021 වසරේ සිට ශ්‍රී ලංකාව ජාත්‍යන්තර මූල්‍ය අරමුදලේ සහාය ලබා ගත යුතු බවට යෝජනා ඉදිරිපත් වුණා .
නමුත් මූල්‍ය අරමුදලේ සහාය ලබා ගැනීම එවකට මහ බැංකු අධිපතිවරයා ප්‍රතික්ෂේප කිරීම හේතුවෙන් මෙම කටයුත්ත ප්‍රමාද වූ බවයි අධිකරණ අමාත්‍ය විජේදාස රාජපක්ෂ මහතා කියා සිටියේ .
කෙසේ වෙතත් පසුගියදා බ්ලූම්බර්ග් සඟරාව වාර්තා කර තිබුණේ, චීනයේ ප්‍රතිචාරය කුමක් වුව ද ජාත්‍යන්තර මූල්‍ය අරමුදල විසින් ශ්‍රී ලංකාවට විස්තීරණ ණය පහසුකම් ලබා දීමට එකඟතාව පළ කිරීමේ සූදානමක් ඇති බවයි.
