සමගි ජන බලවේගයේ පාර්ලිමේන්තු මන්ත්‍රී මයන්ත දිසානායක මහතා රාජ්‍ය මුදල් කාරක සභාවේ සභාපති ධුරයෙන් ඉල්ලා අස්වීම පිළිබද කිසිදු දැනුම්දීමක් සිදු කර නොමැති බව කතානායක මහින්ද යාපා අබේවර්ධන මහතා පවසනවා .
කෙසේ වෙතත් මන්ත්‍රීවරයා අදාළ සභාපති දුරයෙන් ඉවත්වන බවට දැනුම්දී ඇති බවයි සමගි ජනබලවේගය ඊයේ ප්‍රකාශ කලේ .
මාතර දී මාධ්‍යවේදීන් විමසූ පැනයකට පිළිතුරු දෙමින් කතානායක මහින්ද යාපා අබේවර්ධන මහතා මේ බව පැවසුවා .
අදාළ සභාපති ධුරයෙන් ඉවත්වීමට බලපෑම් පැමිණියහොත් මයන්ත දිසානායක මහතා විපක්ෂයේ ස්වාධීන මන්ත්‍රීවරයෙකු ලෙස පාර්ලිමේන්තුවේ කටයුතු කිරීමට ඉඩ ප්‍රස්ථාව පවතින බවද දේශපාලන ආරංචි මාර්ග සඳහන් කළා.
මෙවැනි තත්ත්වයක් තුලයි ඔහු එමගින් ඉල්ලා අස්වන බව සමගි ජනබලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා සදහන් කලේ .
