සෞදි අරාබිය, තුර්කිය සහ පාකිස්තානය අතර ත්‍රිපාර්ශ්වික පොදු ආරක්ෂක ගිවිසුමකට අත්සන් තබා ඇති බව විදෙස් මාධ්‍ය වාර්තා කරනවා. මෙම ඓතිහාසික ගිවිසුමට අනුව, මෙම රටවල් තුනෙන් ඕනෑම එක් රටකට එල්ල වන සන්නද්ධ ප්‍රහාරයක් අදාළ සියලුම රටවලට එල්ල වූ ප්‍රහාරයක් ලෙස සලකා, ඊට එරෙහිව හමුදාමය වශයෙන් සහයෝගයෙන් කටයුතු කිරීමට තීරණය කර ඇති බවයි වාර්තා වෙන්නේ. ඕනෑම ආකාරයක ආක්‍රමණශීලී ක්‍රියාවකට එරෙහිව සාමූහික වැළැක්වීමේ බලය ගොඩනැගීම සහ ආරක්ෂක සහයෝගීතාව ශක්තිමත් කිරීම මෙම ගිවිසුමේ අරමුණ බවයි විදෙස් මාධ්‍ය වාර්තා කරන්නේ.
