දකුණු කොරියාව විසින් අතුරු කොරියාවෙන් මානුශීය උපකාරයක් සදහා විශේෂ ඉල්ලිමක් සිදු කර තිබෙනවා.ඒ දෙරටේ නැගෙනහිර වෙරළ තීරයේ සීමා මායිම් අසලදී අතුරුදන් වූ දකුණු කොරියානු නාවික සෙනෙවියෙකු සෙවීම සඳහායි. දෙරට අතර දැනට සෘජු සන්නිවේදන මාර්ග ක්රියාත්මක නොවීම හේතුවෙන්, දකුණු කොරියානු බලධාරීන් මෙම ඉල්ලීම මාධ්යවේදීන් වෙත කෙටි පණිවිඩයක් නිකුත් කරමින් ප්රකාශ කර ඇති බවයි විදෙස් මාධ්ය වාර්තා කළේ. එය ප්යොන්යෑන්ග් පාලනය වෙත ද යොමු කර ඇති බවයි සදහන් වන්නේ. ඊයේ පස්වරුවේ නැගෙනහිර මුහුදේ වෙරළාරක්ෂක රාජකාරිවල නිරතව සිටියදී මෙම නාවික සෙනෙවියා අතුරුදන් වී තිබෙනවා. ඔහු දියවැලට හසුවී උතුරු සීමා රේඛාව පසුකර උතුරු කොරියානු මුහුදු සීමාවට ගසාගෙන යාමේ ඉඩකඩක් පවතින බවයි දකුණු කොරියාව පවසන්නේ.. මෙම ඉල්ලීම සම්බන්ධයෙන් ලන්ඩන් නුවර පිහිටි උතුරු කොරියානු තානාපති කාර්යාලය මෙතෙක් කිසිදු ප්රතිචාරයක් දක්වා නොමැති බවයි විදෙස් මාධ්ය වාර්තා කළේ.
