ඉන්දීය ප්‍රිමියර් ලීග් ක්‍රිකට් තරගාවලියේ 55වැනි තරගයෙන් ජය ගැනීමට චෙන්නායි සුපර් කිංග්ස් කණ්ඩාම ඊයේ (10) සමත් වුණා.
ඒ දිල්ලි කැපිටල්ස් කණ්ඩායම ලකුණු 27න් පරාජයට පත් කරමින්.
තරගයේ පළමුවෙන් පන්දුවට පහරදුන් චෙන්නායි කණ්ඩායම නියමිත පන්දුවාර 20 අවසානයේ කඩුළු 08ක් දැවී ලකුණු 167ක් රැස් කළා.
පිළිතුරු ඉනිම ක්‍රීඩා කළ දිල්ලි කණ්ඩායමට නියමිත පන්දුවාර 20 අවසානයේ කඩුළු 08ක් දැවී රැස්කරගත හැකි වූයේ ලකුණු 140ක් පමණයි.
එහිදී අගනා පන්දු යැවීමක නිරත වූ මතීෂ පතිරණ ලකුණු 37ට කඩුළු 3ක් බිදහෙළීමට සමත් වුණා.
