රුමේෂ් තරංග ලෝක මලල ක්‍රීඩා සංගමයේ නවතම ශේණිගත කිරීම් ලයිස්තුවේ ද ඉදිරියට පැමිණ තිබෙනවා. එහි නවතම යාවත්කාලින කිරීමට අනුව ලොව සියලුම මලල ක්‍රීඩකයින් ඇතුළත් පොදු කාණ්ඩය තුළ රුමේෂ් 25 වැනි ස්ථානයේ සිට 13 වැනි ස්ථනය දක්වා ඉදිරියට පැමිණීමටයි සමත් වී ඇත්තේ. එම පොදු කාණ්ඩය තුළ ඉහළින්ම සිටින ආසියානු ක්‍රීඩකයා වන්නේද රුමේෂ් තරංගයි. එමෙන්ම තවදුරටත් හෙල්ල විසිකිරීමේ ලොව අංක එකේ ක්‍රීඩකයා ලෙස තම ස්ථානය රැකගැනීමට රුමේෂ් තරංග සමත් වුණා. මෙහි දෙවැනි ස්ථානය ග්‍රෙනේඩාවේ ඇන්ඩර්සන් පීටර්ස්ටත්, තුන්වැනි ස්ථානය ජර්මනියේ ජූලියන් වබෙර්ටත් හිමිව තිබෙනවා.
