මහර බන්ධනාගාරය තුළ ඇති වූ නොසන්සුන්කාරී තත්ත්වය සම්බන්ධයෙන් කඩිනමින් විමර්ශනයක් ආරම්භ කරන බව බන්ධනාගාර දෙපාර්තමේන්තුවේ මාධ්‍ය ප්‍රකාශක ඒ.සී. ගජනායක මහතා පවසනවා.අද,මාධ්‍ය හමුවේ අදහස් දක්වමින් ඒ මහතා කියා සිටියේ, රැඳවියන් විසින් මහර බන්ධනාගාරය තුළ සිදුකළ හානියෙන් විශාල අලාභානී රැසක් සිදු වී ඇති බවයි.ඒ අනුව බන්ධනාගාරයේ මුළුතැන්ගෙය, පුනරුත්ථාපන ගොඩනැගිල්ල, පුනරුත්ථාපන කාර්යාලය, ප්‍රධාන ජේලර් කාර්යලය සහ බන්ධනාගාර රෝහල ද විනාශ වී තිබෙනවා.මේ අතර, මහර බන්ධනාගාරයේ ඇති වූ නොසන්සුන්කාරී තත්ත්වය මේ වනවිට පාලනය කර ඇති බව ජේ්‍යෂ්ඨ නියොජ්‍ය පොලිස්පති සජිව මැදවත්ත මහතා පවසනවා.සියලුම රැඳවියන් ඔවුන්ගේ සිරමැදිරි වෙත යොමු කරමින් ඔවුන්ට අවශ්‍ය මුලික පහසුකම් ලබා දීමට පියවර ගෙන ඇති බවයි ඒ මහතා සඳහන් කළේ.
