ඓතිහාසික මහනුවර ඇසළ පෙරහැර මංගල්‍යය වෙනුවෙන් විශේෂ රථවාහන සැලැස්මක් ක්‍රියාවට නැංවීමට නියමිත බව බව පොලීසිය පවසනවා. අද පැවැති මාධ්‍ය හමුවකට එක්වෙමින් පොලිස් මාධ්‍ය ප්‍රකාශක සහකාර පොලිස් අධිකාරි එෆ්.යූ. වුට්ලර් මහතා ප්‍රකාශ කළේ හෙට දිනයේ සිට මෙම රථ වාහන සැලසුම ක්‍රියාවට නැංවෙන බවයි. ඒ අනුව මාර්ග බාධක ආරක්ෂක රාජකාරි, රථවාහන හා පුද්ගලයින් පරීක්ෂා කිරීම, සංචාරකයින්ට මග පෙන්වීම සහ රථවාහන ගාල් කිරීම කෙරෙහි විශේෂ අවධානය යොමු කර ඇති බවයි ඒ මහතා වැඩිදුරටත් සඳහන් කළේ.
