ඉල්ලීම් කිහිපයක් මුල් කරගනිමින් ග්‍රාම නිලධාරීන් විසින් ආරම්භ කර තිබූ වෘත්තිය ක්‍රියාමාර්ගය අවසන් කිරීමට තීරණය කර තිබෙනවා. ග්‍රාම නිලධාරීන්ගේ සංගම් සහ රාජ්‍ය පරිපාලන අමාත්‍ය මහාචාර්ය චන්දන අබේරත්න මහතා සමග අද පැවැති සාකච්ඡාවකින් අනතුරුව මෙම තීරණය ගත් බවයි වාර්තා වන්නේ. ග්‍රාම නිලධාරීන්ගේ සංගමයේ නියෝජිතයින් සඳහන් කළේ එම සාකච්ඡාවේදී ජනාධිපතිවරයා දුරකථනයෙන් සම්බන්ධ වෙමින් එළැඹෙන අයවැයෙන් මෙම ඉල්ලීම් ලබා දීමට පියවර ගන්නා ලෙස පැවසූ බවයි.
