කිලිනොච්චිය, භාරතීපුරම් ප්රදේශයේදී පුරාවස්තු සෙවීමේ අරමුණින් කැණීම් සිදුකරමින් සිටි පුද්ගලයින් අට දෙනෙකු අත්අඩංගුවට ගෙන තිබෙනවා. කිලිනොච්චිය පොලීසියට ලද තොරතුරක් මත සිදුකළ වැටලීමකදී සැකකරුවන් අත්අඩංගුවට ගත් බවයි පොලීසිය සඳහන් කළේ. ඔවුන් අවුරුදු 32ත් 58ත් අතර වයස්වල පසුවන මුන්දලම, උකුවෙල, දුම්මලසූරිය, පිළියන්දල,යාපනය, මාදම්පේ හා කෙසෙල්වත්ත ප්රදේශවල පදිංචිකරුවන් බවයි වාර්තා වන්නේ.
