නේපාලයේ හදිසි ජල ගැලීම හේතුවෙන් මියගිය පුද්ගලයින් ගණන 903ක් දක්වා ඉහළ ගොස් තිබෙනවා. එමෙන්ම මෙම ආපදා තත්ත්වය හේතුවෙන් පුද්ගලයින් 4,247කට වැඩි පිරිසක් තවදුරටත් අතුරුදන්ව ඇති බවයි විදෙස් මාධ්‍ය වාර්තා කරන්නේ.
මේ අතර නේපාලයේ ටිබෙට් දේශ සීමාව ආසන්නයේ රසුවා ප්‍රදේශයේ හටගත් හදිසි ජල ගැලීම් තත්ත්වය හේතුවෙන් ඉදි කෙරෙමින් පවතින ජල විදුලි බලාගාර උමං තුළ කම්කරුවන් 350කට අධික සංඛ්‍යාවක් සිරවී සිටින බවට අනාවරණය වී තිබෙනවා. ඔවුන් බේරා ගැනීමේ මෙහෙයුම් මේ වන විට ආරම්භ කර ඇති බව සඳහන්. ඒ අනුව නේපාල ආපදා කලමනාකරණ අධිකාරියේ සෙවකයින් 10,000කට අධික පිරිසක් උමං තුළ සිරවූ කම්කරුවන් බේරා ගැනීම සදහා යොඳවා ඇති අතර චීන සහ ඉන්දීය විශේෂඥයින්ගේ සහය ද ඔවුන් වෙත ලබා දී ඇති බවයි සදහන් වන්නේ. මෙම හදිසි ජල ගැලීම් තත්ත්වය හේතුවෙන් නේපාලයේ විදුලි බලාගාර පද්ධතිවලින් සියයට 10කට අධික ප්‍රමාණයකට දැඩි ලෙස හානි සිදුව ඇති බවයි විදෙස් මාධ්‍ය වැඩිදුරටත් වාර්තා කළේ.
