ජපානයට බලපා ඇති අයහපත් කාලගුණයෙන් පුද්ගලයින් සිව්දෙනෙකු ජීවිතක්ෂයට පත්ව ඇති බව විදෙස් මාධ්‍ය පවසනවා.
ජපානයේ ටෝකියෝ අගනුවරට ආසන්නව පිහිටි චිබා ප්‍රාන්තයේ ප්‍රදේශවලට ගත වූ පැය 24 ඇතුළත මිලිමීටර් 360 ඉක්ම වු වර්ෂාපතනයක් පතිත වී තිබෙනවා. මේ හේතුවෙන් එම ප්‍රදේශයේ මහාමාර්ග සහ දුම්රිය මාර්ග ජලයෙන් වැසී ගොස් ඇති බවයි විදෙස් මාධ්‍ය පවසන්නේ. එමෙන්ම ඒ අවට ප්‍රදේශවල හටගත් ගංවතුර තත්ත්වය හේතුවෙන් ප්‍රවාහන සේවාවලට බාධා ඇතිව ඇති අතර නිවාසවල විදුලිය විසන්ධි වී ඇති බව වාර්තා වනවා. ඇදහැලෙන අධික වර්ෂාව හේතුවෙන් ජලයෙන් යට වූ වාහනයක සිරවීමෙන් සිදු
වූ එක් මරණයක් ඇතුළු මරණ 4 ක් මේ වන විට වාර්තා වී ඇති බවයි ජපාන බලධාරීන් තහවුරු කර ඇත්තේ. සහන සේවා කටයුතු සඳහා හමුදා භටයාන්ද එම ප්‍රදේශ සදහා යොදවා තිබෙනවා. ඇදහැලෙන දැඩි වර්ෂාපතනය හේතුවෙන් ටෝකියෝ නුවර නරීටා
ගුවන්තොටුපොළේ මේ වන විට පුද්ගලයින් 7,000කට ආසන්න පිරිසක් සිරවී සිටින බව යි විදෙස් වාර්තා වැඩිදුරටත් සදහන් කරන්නේ
