දිවයිනේ දිස්ත්රික්ක කිහිපයක් සදහා කාළගුණ විද්යා දෙපාර්තුමේන්තුව උණුසුම් කාළගුණය සම්බන්ධයෙන් අවවාදාත්මක නිවේදනයක් නිකුත් කර තිබෙනවා. ඒ අනුව මුලතිව්, වවුනියාව, මඩකලපුව, අම්පාර, ත්රිකුණාමලය සහ මොනරාගල දිස්ත්රික්ක සඳහා මෙම අවවාදාත්මක නිවේදනය වලංගු වනු ඇති. එම නිවේදනයේ දැක්වෙන්නේ ඉහත දිස්ත්රික්කවල ඇතැම් ප්රදේශවල දිවා කාලයේදී උණුසුම දර්ශකය, එනම් මිනිස් සිරුරට දැනෙන උණුසුම ”අවධානය යොමු කල යුතු” මට්ටමක පැවතිය හැකි බවයි. මේ අතර ඊයේ දිනයේ දිවයිනේ උපරිම උෂ්ණත්වය සෙල්සියස් අංශක 38.0 ක් ලෙස වාර්තා වූ බව කාලගුණවිද්යා දෙපාර්තමේන්තුව පවසනවා.
එම අගය වාර්තා වී ඇත්තේ පොතුවිල් කාලගුණ මධ්යස්ථානයෙන්. එමෙන්ම දෙවැනියට වැඩිම උෂ්ණත්වය වාර්තා වී ඇත්තේ පොලොන්නරුව දිස්ත්රික්කයෙන් වන අතර එම අගය සෙල්සියස් අංශක 37.2 ක් ලෙසයි දැක්වෙන්නේ.
