2023 ලෝක කුසලානයට සුදුසුකම් ලබාගැනීමේ තරගාවලියේ සුපිරි 6 දෙනාගේ වටයේ අවසන් තරගය ශ්‍රී ලංකාව සහ බටහිර ඉන්දීය කොදෙව් කණ්ඩායම අතර අද දින පැවැත්වුනා.
මෙම තරගය මෙරට වේලාවෙන් අද දහවල් 12.30 ට සිම්බාබ්වේ හරාරේ ක්‍රීඩාංගණයේදී ආරම්භ වුුුණා.
මෙම තරගාවලියේදී ශ්‍රී ලංකාව මේ දක්වා සහභාගි වූ තරග සියල්ලම ජය ගනිමින් මේ වන විටත් එක්දින ලෝක කුසලාන ක්‍රිකට් තරගාවලියට සුදුසුකම් ලබා සිටිනවා.
මේ අතර අද තරගයේදී ශ්‍රී ලංකා පිලේ වෙනස්කම් කිහිපයක් සිදු වනු ඇති බවටයි වාර්තා වන්නේ.
ඒ අනුව ශ්‍රී ලංකා පිතිකරණ අංශය ශක්තිමත් කිරීමේ අරමුණින් චාමික කරුණාරත්නට අවස්ථාවක් හිමි වීමට බොහෝ දුරට ඉඩ ඇති බව සදහන්.
බටහිර ඉන්දීය කොදෙව් කණ්ඩායමේ ප්‍රබල ක්‍රීඩකයින් දෙදෙනෙකු වන තුන් ඉරියව් ක්‍රීඩක ජේසන් හෝල්ඩර් සහ වේග පන්දු යවන ක්‍රීඩක අල්සාරි ජෝෂප් යළි කොදෙව් රාජ්‍ය බලා පිටත්ව යාම හේතුවෙන් මෙම තරගය සදහා ඔවුන් සහභාගි නොවන බවයි වාර්තා වන්නේ.
මේ වන විට අයි සී සී එක්දින කණ්ඩායම් ශ්‍රේණීගත කිරීම් අනුව ශ්‍රී ලංකාව 8 වන ස්ථානයේත් කොදෙව් පිළ 10 වන ස්ථානයේත් පසුවනවා.
