ශ්‍රී පාද හැටන් මාර්ගයේ මහගිරිදඹ ප්‍රදේශයේ නායයාමේ අවදානමක් තවදුරටත් නොමැති බවත් ඒ අනුව එම මාර්ගයෙන් වන්දනාකරුවන්ට ආරක්ෂා සහිතව ශ්‍රී පාද ස්ථානය කරුණා කළ හැකි බවත් ජාතික ගොඩනැගිනි පර්යේෂණ ආයතනයේ නිලධාරීන් ශ්‍රී පාද මළුව වෙත අද(08) දින පැමිණ තමන් හමුවේ පැවසූ බව ශ්‍රී පාද භාරකාර දොරපනේ සුමනජෝති හිමියන් පවසනවා.
දිට්වා සුළි කුණාටුවෙන් මහගිරිදඹ ප්‍රදේශ විශාල පස් කන්දක් කඩා වැටීමෙන් පසු ජාතික ගොඩනැගිනි පර්යේෂණ ආයතනයේ නිලධාරීන් එම ස්ථානයට ගොස් පරීක්ෂා කර බලා එම ස්ථානයේ නායයාමේ අවදානමක් පවතින බවත් එම අවදානම සඳහා පිළියම් යොදන ලෙස ලබාදුන් නිර්දේශ කිහිපයක් ක්‍රියාත්මක කිරීම ශ්‍රී ලංකා යුද හමුදාවේ භට පිරිස් විසින් කටයුතු කර තිබෙනවා.
මේ වන විට එම ස්ථානය කොන්ක්‍රීකට් පැති බැමි යොදා පැයගැට පෙළ අලුතින් සකස් කර ආරක්ෂිත අත්වැටක්ද සවි කිරීමෙන් පසු ජාතික ගොඩනැගිලි පර්යේෂන ආයතනයේ නිලධාරීන් අද(08) දින එම ස්ථානයට ගොස් පරීක්ෂා කර බලා ඒ බව ශ්‍රී පාද භාරකාර හිමියන් හමුවේ පවසා තිබෙනවා.
ශ්‍රී පාද භාරකාර හිමියන් කියා සිටියේ මේ අනුව හැටන් මාර්ගය ඔස්සේ කිසිදු බාධාවකින් තොරව ආරක්ෂිතව ශ්‍රී පාදය කරුණා කිරීමට හැකි බවයි.
ජාතික ගොඩනැගිලි පර්යේෂණ ආයතනයේ නිලධාරීන් අද(08) දින ප්‍රතිසංස්කරණය කරන ලද ස්ථානය පරීක්ෂා කිරීමෙන් අනතුරුව එහි වාර්තාවක් ඉදිරි දිනයකදී නිකුත් කරන බවද පැවසූ බවයි ශ්‍රී පාද භාරකාර හිමියන් වැඩිදුරටත් කියා සිටියේ.
