2022/2023 මහ කන්නය සඳහා රජයේ වී මිලදී ගැනීම සම්බන්ධයෙන් නව චක්‍රලේඛයක් නිකුත් කර තිබෙනවා.
මුදල්, ආර්ථික ස්ථායිකරණ සහ ජාතික ප්‍රතිපත්ති අමාත්‍යාංශය විසින් මෙම චක්‍රලේඛය නිකුත් කර තිබෙනව බව සඳහන්.
එහි දැක්වෙන්නේ උපරිම තෙතමනය 14% සහ උපරිම බොල් ප්‍රමාණය 9%ක් වන නිසි ප්‍රමිතියෙන් යුතු නාඩු වී කිලෝවක් රුපියල් 100ක මුදලකට මිලදී ගන්නා ලෙසයි.
එමෙන්ම තෙතමනය 14% ඉක්මවන සහ 22% හෝ ඊට වඩා අඩු නාඩු වී කිලෝවක් සඳහා රුපියල් 88ක් ලබා දෙන ලෙසද එම අමාත්‍යාංශය ද දැනුම් දී තිබෙනවා.
මේ අතර ජනාධිපතිවරයා විසින් වී කිලෝවකට රුපියල් 100 ක මිලක් ලබා දෙන බවට ප්‍රකාශ කරන්නේ කෙසේ දැයි සමස්ථ ලංකා ගොවිජන සංවිධානය ප්‍රශ්න කළා.
එහි ලේකම් නාමල් කරුණාරත්න මහතා පැවසුවේ වී කිලෝවක් නිෂ්පාදනය කිරීම සඳහා රුපියල් 154ක වියදමක් දැරීමට සිදුව ඇති බවයි.
මේ අතර කෘෂිකර්ම අමාත්‍ය මහින්ද අමරවීර මහතා සහ මුදල් රාජ්‍ය අමාත්‍ය රංජිත් සියඹලාපිටිය මහතා ද රුපියල් 100කට වී කිලෝවක් මිලදී ගැනීම සම්බන්ධයෙන් අදහස් පළ කළා.
