පෙම්වතිය තම පෙම්වතාගේ අත කපා පෙම්වතියද කිසියම් ඖෂධ වර්ගයක් පානය කිරීමෙන් පසුව රෝහල් ගත කිරීමේ පුවතක් මැදිවච්චිය ප්රදේශයෙන් වාර්තා වනවා.
අවසන් වතාවට හමුවී ප්රේම සම්බන්ධය නැවැත්වීමට ඔවුන් මෙලෙස මැදවච්චිය ලැගුම් හළකට පැමිණ ඇති බවටයි වාර්තා වන්නේ.
එලෙස පැමිණි පෙම් යුවළ අතර ඇති වූ ගැටුමේදී පෙම්වතිය ගෙන එන ලද පිහියකින් පෙම්වතාගේ අත කපා ඇති බවත් පසුව පෙම්වතියද කිසියම් ඖෂධයක් පානය කර ඇති බවත් මූලික විමර්ශනවලදී පොලිසිය අනාවරණ කරගෙන තිබෙනවා.
මෙලෙස පෙම්වතුන් ලෙස පැමිණ ඇත්තේ පොළොන්නරුව ප්රදේශයේ පදිංචි 25 හැවිරිදි තරුණියක් හා ශ්රී ලංකා යුද්ධ හමුදා සංඥා බලකායේ යාපනය කඳවුරක සේවය කළ පදවිය ප්රදේශයේ පදිංචි 25 හැවිරිදි තරුණයෙකි.
ඔවුන් දෙදෙනාම යුද හමුදාවේ සේවය නිරත වන බවට ද වාර්තා වනවා.
මෙම දෙදෙනා අවසාන වතාවට හමුවී දීර්ඝ කාලයක් පවත්වාගෙන ආ ප්රේම සම්බන්ධතාවය නැවැත්වීමට තරුණයා ගෙනා යෝජනාවක් මත මැදවච්චිය පුද්ගලික ලැගුම් හලකට ඔවුන් දෙදෙනා පසුගිය පළමුවැනිදා පැමිණ තිබෙනවා.
අනතුරුව දෙදෙනා පෙම්සුව විදිමින් සිටි අතරතුර තරුණයා විසින් මෙම යෝජනාව ප්රකාශ කර තිබෙනවා.
එම යෝජනාව දරාගැනීමට නොහැකි වූ තරුණිය තම ගමන් බෑගයේ සඟවාගෙන ආ පිහියක් එක්වරම ගෙන සිය දිවි හානි කර ගැනීමට උත්සහ දරා ඇත.
ඒ අවස්ථාවේ මෙම තරුණයා එය වැළැක්වීමට ගොස් ඇති බවත් එහිදී සිදුවූ පොරබැඳීමත් සමග තරුණයාගේ අත තුවාල වී ඇති බවත් පොලිස් විමර්ශන හමුවේ මෙම තරුණයා ප්රකාශ කර තිබෙනවා.
අනතුරුව දැඩි රුධිර වහනයක් සිදුවීම හේතුවෙන් තරුණයා රෝහල් ගතවීමට සූදානම් වන අවස්ථාවේ තරුණිය ලැගුම් හලේ බාත්රූම් එකට දිවගොස් ඇති අතර පසුව තරුණියද සිහිය නොමැතිව වැටී ඇති බවයි වාර්තාවන්නේ.
තරුණයා මෙම තරුණියත් රැගෙන මැදවච්චිය රෝහල කරා ත්රීරෝද රථයකින් පැමිණි ඇත.
මැදවච්චිය රෝහල මූලික ප්රතිකාර සිදුකර රෝහල් බලධාරින් වැඩිදුර ප්රතිකාර සඳහා දෙදෙනොම අනුරාධපුර ශීක්ෂණ රෝහල වෙත මාරු කර යවා තිබෙනවා.
එහිදී තුවාල ලැබූ හමුදා සෙබලා 11 වාට්ටුවටත් හිටපු හමුදා සෙබලියක් යැයි සැක කෙරෙන තරුණිය මෙත්සිරි සෙවනේ පිහිටි දැඩි සත්කාර ඒකකයටත් ඇතුලත් කර තිබෙනවා.
එම තරුණියගේ සිරුර ඉදිමෙමින් පවතින බවයි පොලිසිය පවසන්නේ.
සිද්ධිය සම්බන්ධයෙන් රෝහල් පොලීසිය විසින් මැදවච්චිය පොලිසිය වෙත ඊයේ (02) සවස දැනුම් දී ඇති අතර වහාම ක්රියාත්මක වූ මැදවච්චිය පොලිස් ස්ථානාධිපති ආර්.එම්.අයි.බී රත්නායක මහතා ඇතුලු විශේෂ පොලිස් කණ්ඩායමක් එම පෙම් යුවල ලැගුම් ගත් ස්ථානය පරික්ෂා කර තිබෙනවා.
එහිදී ලැගුම් හලේ බාත්රූම් එක තුළ තිබී නිදි පෙතිවලට සමාන පෙති කාඩ් කිහිපයක් සහ කුඩා ප්රමාණයේ බෝතල් කිහිපයක්ද පොලිසිය සොයාගෙන තිබෙනවා.
ඒ අනුව මෙම තරුණිය සිය දිවි හානි කර ගැනීමට උත්සහ දරා ඇති බවට තහවුරු වූ බවයි පොලිසිය පවසන්නේ.
සිදුවීම පිළිබඳ මැදවච්චිය පොලිසිය වැඩි දුර පරික්ෂණ සිදු කරනු ලබනවා.
