පකිස්තානයේ විදෙස් ණය බව වාර්තාගත ලෙස ඉහළ යමින් තිබෙනවා.
විදෙස් මාධ්‍ය පැවසුවේ ජූලි මාසයේදී පකිස්තානයේ විදේශීය ණය ප්‍රමාණය අමෙරිකානු ඩොලර් බිලියන 2.8 ක් දක්වා ඉහළ ගොස් ඇති බවයි.
දරුණු මූල්‍ය අර්බුදයකට මුහුණ පා සිටින පකිස්තානය විටින් විට විදේශීය රටවලින් ණය ලබා ගනිමින් සිටින අතර විදෙස් ණය බර ඉහළ ගොස් ඇත්තේ ඒ හමුවේයි.
ඊට ඍජුව බලපා ඇත්තේ සෞදියෙන් හා චීනයෙන් ලබා ගත් ණය බව විදෙස් මාධ්‍ය වාර්තා කළා.
පකිස්තානය මුහුණ පා තිබෙන අර්බුදය හමුවේ සෞදිය අමෙරිකානු ඩොලර් බිලියන 2ක් තැන්පතුවක් ලෙස ලබා දුන්නා.
ඊට අමතරව “ඩ්‍රැගන්” වර්ගයේ බහුකාර්ය ප්‍රහාරක ගුවන් යානා මිලදී ගැනීම සඳහා පකිස්ථාන ගුවන් හමුදාවට චීනයෙන් ඩොලර් මිලියන 508 ක ණයක් හිමි වුණා.
ඒ හේතුවෙන් ඉකුත් ජූලි මාසයේදී පකිස්තානයේ ඩොලර් බිලියන 2.8 ක් දක්වා ඉහළ ගොස් තිබෙනවා.
ඉකුත් 2022 වසරේ ජූලි මාසයේ පකිස්තානයේ විදේශීය ණය ප්‍රමාණය සඳහන් වී ඇත්තේ අමෙරිකානු ඩොලර් මිලියන 185 ක් ලෙසයි.
