රුසියානු හිටපු ප්රවාහන අමාත්ය රෝමන් ස්ටාරොවොයිට් සිය දිවි නසාගෙන ඇතැයි විදෙස් වාර්තාවල දැක්වෙනවා. රුසියානු ජනාධිපති ව්ලැඩිමීර් පුටින් විසින් ඊයේ දිනයේදී රෝමන් ස්ටාරොවොයිට් ප්රවාහන අමාත්ය ධුරයෙන් නෙරපා හරිනු ලැබුවා. ඔහු මොස්කව් නගරයෙන් පිටත ඔහුගේ මෝටර් රථය තුළ වෙඩි වැදී මිය ගොස් සිටියදී සොයා ගෙන ඇති අතර ඔහු සිය දිවි නසාගෙන ඇති බවටයි සැක පල කෙරෙන්නේ. 2023 වසරේදී අභ්යන්තර කටයුතු අමාත්යාංශයෙන් ලැබුණු ගිනි අවියක් භාවිත කර හිටපු අමාත්යවරයා සිය දිවි නසාගෙන ඇති බවද මේ වන විට තහවුරු වී ඇති බව විදෙස් වාර්තාවල වැඩිදුරටත් දැක්වෙනවා. කෙසේ වෙතත් රුසියානු ජනාධිපති ව්ලැඩිමීර් පුටින් ඔහු ප්රවාහන අමාත්ය ධුරයෙන් ඉවත් කර ඇත්තේ කුමන හේතුවක් නිසාවෙන්ද ? යන්න සම්බන්ධයෙන් මෙතෙක් අනාවරණය වී නැහැ. මේ අතර යුක්රේනයේ ඩ්රෝන ප්රහාරවල ආරක්ෂක තර්ජනය හේතුවෙන් සහ පසුගිය ජූලි මස පහ සහ හය යන දෙදින තුළ රුසියාවේ ප්රධාන ගුවන් තොටුපොළවල ගුවන් ගමන් 500 කට ආසන්න ප්රමාණයක් නතර කිරීමට සිදුවීමෙන් පසුව ඔහුව රුසියානු ජනාධිපතිවරයා මෙලෙස නෙරපා හැර ඇති බවයි රුසියානු මාධ්ය වාර්තා කරන්නේ.
උණුසුම් පුවත්
- පාකිස්තානයේ ඩෙංගු රෝගීන්ගේ වැඩිවීමක්
- දිල්ලි නගරයේ වායු දූෂණය ඉහළට
- දුම්රිය ගමනාගමනයට තවදුරටත් බාධා
- ගංගා ද්රෝණි කිහිපයක ජල මට්ටම ඉහළට
- රුහුණු විශ්ව විද්යාලයේ ගැටුමක්
- ලංකා ට්රාන්ස්ෆෝමර්ස් ආයතනයට කෝප් කමිටුවෙන් කැදවීමක්
- රජයේ විශ්ව විද්යාලවල උපාධි පාඨමාලා ප්රමාදවීම ගැන ජනපතිගේ අවධානය
- ගාසා සටන් විරාමය යලිත් ඇරඹෙයි