කැස්බෑව නගර සභාවේ මාසික සභා රැස්වීම ඊයේ(12) දිනයේ පැවැති අවස්ථාවේ උණුසුම් තත්ත්වයක් හටගෙන තිබෙනවා.
ඒ නගර සභාවේ බලය හිමි ජාතික ජන බලවේගයේ මන්ත්‍රීවරයකු රැස්වීම අතරතුරදී පූජ්‍ය බලංගොඩ කස්සප හිමියන්ගේ නාමය පැවසීමේදී ‘‘බලංගොඩ කස්සප“ යනුවෙන් ආමන්ත්‍රණය කිරීමත් සමගින්.
එහිදී විපක්ෂයේ මන්ත්‍රීවරු එම නාමය නිවැරදි ආකාරයෙන් සඳහන් කරන ලෙස සභාපතිවරයාගෙන් ඉල්ලා සිටියද ඒ සම්බන්ධයෙන් අවධානය යොමුව නොමැති බවයි වාර්තා වන්නේ.
මෙම සිද්ධිය හේතුවෙන් එක්සත් ජාතික පක්ෂය සහ සර්ව ජනබලය නියෝජනය කරනු ලබන නාගරික මන්ත්‍රීවරු දෙදෙනකු සභාව වර්ජනය කර ඉන් පිටව ගොස් තිබෙනවා.
කෙසේ වෙතත් පසුව සෙසු විපක්ෂ සභිකයන්ද සභාවෙන් පිටව ගොස් නගර සභා ගොඩනැගිල්ල ඉදිරිපිට නිහඬ විරෝධතාවයක් පවත්වා ඇති බවයි වාර්තා වූයේ.
