තමන්ට අයත් තෙල් ප්‍රවාහන නෞකාවකට ඉරානය විසින් ප්‍රහාරයක් එල්ල කළ බව සෞදි අරාබිය පවසනවා.
එම ප්‍රහාරය දැඩි හෙළා දකින බවයි සෞදි අරාබි රජය සදහන් කලේ සෞදි ජාතික නාවික සමාගමක් වන බහ්රි සඳහන් කර ඇත්තේ එහි සිද්ර් නෞකාව හෝමුස් සමුද්‍ර සන්ධිය හරහා ගමන් කරමින් සිටියදී මෙම ප්‍රහාරයට මුහුණදුන් බවයි. එම අවස්ථාවේදීම දකුණු කොරියානු සමාගමකට අයත් තෙල් නෞකාවකටද ප්‍රහාරයක් එල්ල වූ බවට වාර්තා වනවා.කෙසේ වෙතත්, සෞදි අරාබියේ මෙම චෝදනාව සම්බන්ධයෙන් ඉරානය මෙතෙක් නිල ප්‍රතිචාරයක් දක්වා නැහැ. මීට පෙර ඉරානය ප්‍රකාශ කර තිබුණේ, නෞකා දෙකක් හෝමුස් සමුද්‍ර සන්ධිය හරහා අවසර නොලත් මාර්ගයකින් ගමන් කිරීමේදී මුහුදු බෝම්බවල ගැටීමෙන් ගිනිගත් බවයි. මෙම ප්‍රහාරය හේතුවෙන් පිලිපීන ජාතික නාවිකයින් දෙදෙනෙකුට දිවි අහිමිවීම පිළිබඳ එම නාවිකයින්ගේ පවුල්වල ඥාතීන් වෙත සෞදි රජය සිය ශෝකය පළ කර තිබෙනවා.
