විස්සයි විස්ස ලෝක කුසලාන ක්රිකට් තරගාවලියේ තවත් තරග තුනක් අද(08) දිනයේදී ද පැවැත්වෙනවා.
D, C සහ B යන කාණ්ඩ යටතේ පැවැත්වෙන මෙම තරඟ තුනෙන් දෙකක් ඉන්දියාවේදීත් අනෙක් තරගය ශ්රී ලංකාවේදී පැවැත්වීමට නියමිතයි.
ඒ අනුව D කාණ්ඩය යටතේ ඇෆ්ගනිස්ථානය සහ නවසිලන්තය අතර තරගය ඉන්දියාවේ චෙන්නායිහිදී පැවැත්වෙන අතර C කාණ්ඩය යටතේ තරග වදින එංගලන්තය සහ නේපාලය අතර තරගය දිවා රාත්රී තරගයක් ලෙසින් වන්කෙඩේහිදී පැවැත්වීමට නියමිතයි.
B කාණ්ඩය යටතේ රාත්රී තරගයක් ලෙස ශ්රී ලංකාව සහ අයර්ලන්තය අතර තරගය අද (08) රාත්රී පැවැත්වීමට නියමිතයි.
තරගාවලිය යටතේ පැවැත්වෙන සිව්වන තරගය මේ වන විට ආරම්භ වී තිබෙනවා.
ඒ ඇෆ්ගනිස්ථානය සහ නවසිලන්තය අතර තරගයයි.
තරගයේ කාසිය වාසිය දිනාගැනීමට ඇෆ්ගනිස්ථාන කණ්ඩායම සමත් වූ අතර ඒ අනුව ඔවුන් පළමුවෙන් පන්දුවට පහරදීමට තීරණය කළා.
ඒ අනුව ඇෆ්ගනිස්ථාන ක්රිකට් කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 182ක් ලබාගැනීමට සමත් වූවා.
Gulbadin Naib ලකුණු 63ක් ලබාගැනීමට සමත් වූ අතර Sediqullah Atal ලකුණු 29ක්ද Rahmanullah Gurbaz ලකුණු 27ක්ද ලබාගැනීමට සමත් වූවා.
Darwish Rasooli ට ලබාගත හැකි වූයේ ලකුණු 20ක් පමණයි.
සෙසු කිසිදු ක්රීඩකයෙකුට ලකුණු 20 සීමාව කරා ළඟාවීමට නොහැකි වූවා.
පන්දු යැවීමේ නවසීලන්ත ක්රිකට් කණ්ඩායම වෙනුවෙන් Lockie Ferguson කඩුලු දෙකක් දවා ගැනීමට සමත් වූවා.
Matt Henry, Matt Henry සහ Rachin Ravindra කඩුලු එක බැගින් දවා ගැනීමට සමත් වූවා.
ලකුණු 183 ජයග්රාහී ඉලක්කයක් හඹා යන නවසීලන්ත ක්රිකට් කණ්ඩායම පන්දුවාර 07ක් අවසානයේ කඩුලු 2ක් දැවී ලකුණු 66ක් ලබා සිටිනවා.
නවසීලන්ත කණ්ඩායම වෙනුවෙන් නොදැවී පන්දුවට පහර දෙන Tim Seifert ලකුණු 33ක් ලබා සිටිනවා.
එසේම නොදැවී පන්දුවට පහරදෙන Glenn Phillips ලකුණු 30ක් ලබා සිටිනවා.
නවසීලන්ත ඉනිමේ දැවී ගිය කඩුලු දෙකම බිඳ හෙළීමට සමත් වූයේ ඇෆ්ගනිස්ථානු කණ්ඩායම වෙනුවෙන් පන්දුයවන Mujeeb Ur Rahman විසින්.
තරගය ජයගැනීම සඳහා නවසීලන්ත කණ්ඩායම තවත් පන්දු 78ක් තුළ ලකුණු 117ක් ලබාගත යුතු වනවා.
තරගය ඉන්දියාවේ චෙන්නායිහිදී පැවැත්වෙනවා.
