ආසියානු ක්රිකට් කවුන්සිලය සංවිධානය කළ ‘ආසියානු කුසලාන නැගී එන තරු’ විස්සයි20 ක්රිකට් තරගාවලියේ ඊයේ පැවති තරගයකින් ඇෆ්ගනිස්තානය හමුවේ කඩුලු 3ක තියුණු පරාජයක් ලැබීමට ශ්රී ලංකා කණ්ඩායමට සිදු වුනා.
කටාර් රාජ්යයේ දෝහා හිදී මෙම තරගාවලිය පැවැත් වෙනවා.
මෙහි ප්රථමයෙන් පන්දුවට පහර දුන් දුනිත් වෙල්ලාලගේගේ නායකත්වයෙන් යුත් ශ්රී ලංකා කණ්ඩායම පන්දුවාර 20 අවසානයේ කඩුලු 9ක් දැවී ලකුණු 170ක් රැස් කිරීමටයි සමත් වුනේ.
ඒ අනුව ලකුණු 171ක ඉලක්කයක් හඹා ගිය ඇෆ්ගනිස්තාන කණ්ඩායම පන්දුවාර 19යි එක් පන්දුවක් අවසානයේ කඩුලු 7ක් දැවී එම ඉලක්කය සපුරා ගැනීමට සමත් වුනා.
