කිරිපිටි කිලෝග්රෑම් ලක්ෂ 4ක් නිදහස් කර ගත නොහැකිව වරායේ සිරවී ඇති බව කිරිපිටි ආනයනකරුවන්ගේ සංගමය කළ ප්රකාශය සම්බන්ධයෙන් මුදල් රාජ්ය අමාත්ය රංජිත් සියඹලාපිටිය මහතා වාර්ථාවක් කැඳවා තිබෙනවා.
අද වනවිට එම වාර්තාව ලබාදෙන ලෙසයි රාජ්ය අමාත්යවරයා දැනුම් දී තිබෙන්නේ.
කිරිපිටි ආනයනකරුවන්ගේ සංගමයේ සාමාජික ආචාර්ය ලක්ෂ්මන් වීරසූරිය මහතා කියා සිටියේ වරායේ ගොඩගැසී ඇති කිරිපිටිවලින් කිලෝග්රෑම් ලක්ෂයක් මේ වනවිට නරක් වී ඇති බවයි.
ජූලි මාසයේ සිට වරායේ සිරවී ඇති මෙම කිරිපිටි තොගය සත්ව ආහාර සදහා නිකුත් කිරීමේ සූදානමක් පවතින බවද ඔහු පසුගියදා හෙළිකළා.
මෙම තොගය තුළින් දරුවන් ලක්ෂ 16 කට කිරිපිටි ලබාදිය හැකි බවටයි කිරිපිටි ආනයනකරුවන්ගේ සංගමය සදහන් කරන්නේ.
මෙම ප්රකාශ සම්බන්ධයෙන් වහාම සොයා බලන ලෙස මුදල් රාජ්ය අමාත්ය රංජිත් සියඹලාපිටිය මහතා අදාළ අංශ වෙත උපදෙස් ලබාදී තිබෙනවා.
කිරිපිටි තොගය නිදහස් කර ගැනීමට නොහැකිවී ඇත්තේ රේගුවේ ගැටලුවකින් නම් ඒ සදහා වහාම ක්රියාත්මක වන බවයි ඒ මහතා ප්රකාශ කළේ.
