ලංකා ටී ටෙන් ක්රිකට් තරගාවලියේ පළමු අදියර ලබන දෙසැම්බර් මාසයේ දී පැවැත්වීමට තීරණය කර ඇති බව ශ්රී ලංකා ක්රිකට් ආයතනය පවසනවා.
මීට පෙර එම තරගාවලිය පසුගිය ජූනි මාසයේ දී පැවැත්වීමට සැලසුම් කර තිබූ නමුත්, දේශීය හා ජාත්යන්තර තරග කාලසටහන සලකා බලා තරගාවලිය පැවැත්වීමට සුදුසු මාසය ලෙස දෙසැම්බර් මාසය තෝරා ගත් බවයි ක්රිකට් ආයතනය නිවේදනය කළේ.
තරගාවලිය දෙසැම්බර් 12 වැනිදා සිට 23 දක්වා දක්වා පැවැත්වීමට සැලසුම් කර තිබෙනවා.
මෙම තරගාවලිය පිරිමි හා කාන්තා යන අංශ දෙකෙන්ම පැවැත්වීමටයි ක්රිකට් ආයතනය සැලසුම් කර ඇත්තේ.
තරගාවලිය ශ්රී ලංකා ක්රිකට් ආයතනය සංවිධාන කරන්නේ ටී ටෙන් ස්පෝට්ස් මැනේජ්මන්ට් හා ටී ටෙන් ග්ලෝබල් ස්පොට්ස් මෙන්ම අයි.පී.ජී යන සමාගම් සමග එක්වයි.
තරගාවලිය සදහා පිරිමි කණ්ඩායම් 6 ක් සහ කාන්තා කණ්ඩායම් 4 ක් ක්රීඩා කිරීමට නියමිතව තිබෙනවා.
එක් කණ්ඩායමක සංචිතයක් සඳහා දේශීය ක්රීඩකයින සහ ක්රීඩිකාවන් 10 දෙනෙකු හා විදෙස් ක්රීඩකයින් සහ ක්රීඩිකාවන් 6 දෙනෙකු නම් කළ හැකියි.
උණුසුම් පුවත්
- අපනයන ආදායමේ දැවැන්ත ඉහළ යාමක්
- ජනාධිපති සහ එක්සත් ජාතීන්ගේ මානව හිමිකම් මහ කොමසාරිස් අතර හමුවක්
- ජනාධිපති සහ දකුණු අප්රිකානු හිටපු ජනාධිපති අතර හමුවක්
- වරෙන්තුව ආපසු කැඳවයි – සජින් වාස්ට ඇප
- පුද්ගලික බසයේදී අස්ථානගත වූ මුදල් සහිත බෑගය දෙමසකට පසු අයිතිකරු අතට
- ත්රස්තවාදය වැලැක්වීමේ පනත අහෝසි කරන ලෙස එක්සත් ජාතීන්ගේ මානව හිමිකම් මහ කොමසාරිස්ගෙන් ඉල්ලීමක්
- ඊශ්රායල් ඉදිකිරීම් ක්ෂේත්රයේ රැකියා කාණ්ඩ 3ක් සඳහා ලියාපදිංචිය හෙට සිට ඇරඹේ…
- බූස්ස බන්ධනාගාරයේදී රැඳවියෙක් ගෙල වැලලාගනී