සහල් මෝල් හිමියන්ට අවශ්ය පරිදි වෙළෙඳපොළේ සහල් මිල තීරණය කිරීමට ඉඩ දීමට රජය කිසිසේත් පියවර නොගන්නා බව, කෘෂිකර්ම අමාත්යාංශයේ ලේකම් නිශාන්ත වික්රමසිංහ පවසනවා.
මේ අතර, පාරිභෝගික අධිකාරිය මේ දිනවල සහල් මෝල් ගබඩා පරීක්ෂා කරමින් සහල් සංචිත සම්බන්ධයෙන් ලබාගත් දත්ත අනුව නාඩු සහල් හිගයක් නොමැති බව ද කෘෂිකර්ම ලේකම්වරයා වැඩිදුරටත් සඳහන් කළා.
වෙළඳපොළේ පාලන මිලට සහල් නොමැතිකමින් ජනතාව දැඩි පීඩාවකට පත්ව ඇති පසුබිමක, රජය මැදිහත්ව සියලු සහල් මෝල් ගබඩා පරීක්ෂාවට ලක් කළේ සහල් සංචිත පිළිබඳව වාර්තාවක් ලබා ගැනීමේ අරමුණින්.
පසුගිය දින කිහිපය පුරා පොළොන්නරුව ඇතුළු ප්රදේශ කිහිපයක සහල් මෝල් පරීක්ෂා කිරීමට පාරිභෝගික අධිකාරිය පියවර ගත්තා , එමෙන්ම ඊයේ දිනය තුලද හම්බන්තොට ප්රදේශයේ සහල් මෝල් ගබඩා කිහිපයක් පරීක්ෂාවට ලක්කර තිබෙනවා.
