කෑගල්ල,දීවෙල,පල්ලේගම ප්‍රදේශයේ දී 15 වන දින (ඊයේ ) රාත්‍රී 9.45 ට පමන පුද්ගලයෙකුගේ හිසට සිමෙන්ති ගලක් වෙනත් පුද්ගලයෙකු විසින් අත්හැරීම නිසා මිය ගොස් ඇති බව කෑගල්ල පොලිසිය පවසනවා. මෙසේ මිය ගොස් ඇත්තේ දීවෙල ,පල්ලේගම ප්‍රදේශයේ පදිංචි කපිල සමන් කුමාර නොහොත් ඇල කපිල යන වයස අවුරුදු 48 ක පමන පුද්ගලයෙකි.
එදින රාත්‍රී මියගිය පුද්ගලයා දීවෙල,පල්ලේගම ප්‍රදේයේ වෙලඳසැලක් ආසන්නයේ දී බීමත්ව කලහාකාරි ලෙස හැසීරී ඇති අතර එහි දී ඒ ආසන්නයේ සිිටි පුද්ගලයෙකු සමග ඇති වූ බහින් බස් වීමක් දුර දිග යාමෙන් සැකකරු අසල වෙලඳසැලක ඉහල මහලක සිට මෙසේ සිමෙන්ති ගලක් මිය ගිය පුද්ගලයාගේ හිස මතට දැමීම හේතුවෙන් එම පුද්ගලයා එම ස්ථානයේ ම මිය ගොස් තිබෙන අතර මියගිය අයගේ දේහය මේ වනවිට කෑගල්ල රෝහලේ තබා ඇත.
සැකකරු එම ප්‍රදේශයේ ම පදිංචිකරුවෙකු වන අතර ඔහු කෑගල්ල පොලිසිය විසින් අත්තඩංගුවට ගෙන තිබෙනවා. සැකකරු අද දින (16) කෑගල්ල මහෙස්ත්‍රාත් අධිකරණයට ඉදිරිපත් කිරීමට නියමිතව තිබෙනවා.
