විස්සයි විස්ස ලෝක කුසලාන ක්රිකට් තරගාවලිය ආරම්භ කරමින් අද දිනයේදී තරග තුනක් පැවැත්වෙනවා.
ඉන් පළමු තරගය මේ වන විට ශ්රී ලංකාවේදී ආරම්භ වී ඇති අතර අනෙක් තරග දෙක ඉන්දියාවේදී පැවැත්වීමට නියමිතයි.
ශ්රී ලංකාවේදී නෙදර්ලන්ත ක්රිකට් කණ්ඩායම සහ පාකිස්තාන ක්රිකට් කණ්ඩායම මේ වන විට තරග වදිනවා.
තරගය කොළඹ එස්.එස්.සී. ක්රීඩාංගණයේදී ආරම්භ වී තිබෙනවා.
තරගයේ කාසියේ වාසිය දිනාගැනීමට පාකිස්තාන ක්රිකට් කණ්ඩායම සමත් වූ අතර ඒ අනුව ඔවුන් පළමුව පන්දු යැවීම තෝරා ගනු ලැබුවා.
ඒ අනුව පළමුවෙන් පන්දුවට පහර දෙන නෙදර්ලන්ත ක්රිකට් කණ්ඩායම පන්දුවාර 3.1ක් අවසානයේ කඩුලු 1ක් දැවී ලකුණු 28ක් ලබා සිටිනවා.
දැවී ගිය ක්රීඩකයා වන්නේ නෙදර්ලන්ත කණ්ඩායමේ මැක්ස් ඕ‘ඩවුඩ්. ඔහු ලබාගත් ලකුණු සංඛ්යාව 5ක්.
පාකිස්තානු පන්දු යවන ක්රීඩක සල්මන් මිර්සා නෙදර්ලන්ත කණ්ඩායමේ පළමු කඩුල්ල දවා ගැනීමට සමත් වූවා.
මේ අතර දෙවන තරගය ඉන්දියාවේ ඊඩන් ගාඩන්ස් ක්රීඩාංගණයේදී දිවා රාත්රී තරගයක් ලෙසින් පැවැත්වීමට නියමිතයි.
ඒ ස්කොට්ලන්ත ක්රිකට් කණ්ඩායම සහ බටහිර ඉන්දීය කොදෙව් දූපත් ක්රිකට් කණ්ඩායම අතරයි.
තරගය මෙරට වෙලාවෙන් පස්වරු 3ට ආරම්භ වීමට නියමිතයි.
ඉන්දීය කණ්ඩායම සහ අමෙරිකා එක්සත් ජනපද කණ්ඩායම අතර තරගය තෙවන තරගය ලෙසින් අද දිනයේදී පැවැත්වීමට නියමිතයි.
මෙම තරගය වන්ඛඩේ ක්රීඩාංගනයේදී පස්වරු 7ට ආරම්භ වීමට නියමිතයි.
මේ අතර ශ්රී ලංකාව සහභාගි වන පළමු තරගය හෙට(08) දින රාත්රී 7ට කොළඹ ආර්. ප්රේමදාස ක්රීඩාංගණයේදී පැවැත්වීමට නියමිතයි.
ඒ අයර්ලන්ත කණ්ඩායම සමගින්.
