මිනිස් පරිභෝජනයට නුසුදුසු සහල් කිලෝග්‍රෑම් එක්ලක්ෂ හැත්තෑදහසකට අධික ප්‍රමාණයක් වංචනික ලෙස ඇසුරුම් කිරීම සඳහා රැගෙන යමින් තිබියදී වැටලීමට පාරිභෝගික කටයුතු අධිකාරියේ නිලධාරීන් සමත්වී තිබෙනවා.
එම සහල් තොගය අඩු ආදායම්ලාභී පවුල් සඳහා රජය මගින් බෙදාදීමට සැලසුම්කර තිබූ බවටයි අනාවරණය වී ඇත්තේ.
සහල් කිලෝග්‍රෑම් එක්ලක්ෂ හැත්තෑදහසකට අධික තොගයක් ලොරි රථ 08ක් මගින් කිරිඉබ්බෑව ප්‍රදේශයේ පිහිටි පෞද්ගලික සහල් මෝලක් වෙත රැගෙන ගොස් නැවත ඇසුරුම්කරමින් සිටියදී මෙම වැටලීම සිදුකර කිරීමට කටයුතු කර තිබුණා.
පාරිභෝගික අධිකාරිය භාරයට ගත් සහල් තොගය සීල් තබා ඇති අතර සහල් මෝලෙහි හිමිකරු පොලීසිය විසින් අත්අඩංගුවට ගෙන තිබෙනවා.
