පකිස්තානයේ කරච්චි නුවර චීන ජාතිකයන් විසින් පවත්වාගෙන යනු ලබන ව්‍යාපාර තාවකාලිකව වසා දැමීමට කරච්චි පොලීසිය කටයුතු කරමින් සිටින බව වාර්තා වනවා.
චීන පකිස්තාන සබඳතා සඳහා බාධා කළ හැකි ත්‍රස්තවාදී ප්‍රහාර වැලැක්වීමේ අරමුණින් පොලීසිය එලෙස කටයුතු කරමින් සිටින බව පැවසෙන බවයි විදෙස් මාධ්‍ය වාර්තා කළේ.
මේ පිලිබද වාර්තා වන්නේ චීනය පකිස්තානය තුළ සිටින සිය පුරවැසියන්ගේ ආරක්ෂාව සම්බන්ධයෙන් විමසිලිමත් වන බවට වාර්තා වන පසුබිමක් තුළයි.
විදෙස් මාධ්‍ය වාර්තා කරා අන්දමට පකිස්ථානයේ පිහිටි චීන තානාපති කාර්යාලය විසින් පකිස්තානය තුළ ආරක්ෂාව පිරිහෙමින් ඇති බැවින් ප්‍රවේශම් වන ලෙස චීන පුරවැසියන්ට උපදෙස් ලබා දී තිබෙනවා.
එමෙන්ම චීනය ඉස්ලාමාබාද්හි පිහිටි සිය තානාපති කාර්යාලයේ කොන්සියුලර් අංශය ද ආරක්ෂක හේතුන් මත තාවකාලිකව වසා දැමීමට කටයුතු කළා.
