චීනය උග්‍ර රැකියා අර්බුධයක්ඨ මුහුණ පා ඇතැයි විදෙස් මාධ්‍ය වාර්තා කරනවා.
එම වාර්තා අනාවරණ කරන පරිදි චීනයේ තරුණ ප්‍රජාව අතර රැකියා වියුක්තිය මේවනවිට පවතින්නේ වාර්තා ගත අගයකයි.
ඉකුත් ජුනි මාසය වනවිට චීනයේ නාගරික ප්‍රදේශවල තරුණ ප්‍රජාවගෙන් සියයට සියයට 21.3ක් සිටින්නේ රැකියාවක් නොමැතිවයි.
නාගරික ප්‍රදේශවල පවතින මෙම රැකියා අර්බුධය හමුවේ නාගරික තරුණ ප්‍රජාව රැකියා සඳහා ග්‍රාමීය ප්‍රදේශවලට යොමු කිරීමට චීන බලධාරීන් උත්සහ කරමින් සිටින බව සඳහන්.
කෙසේවෙතත් තරුණ තරුණයි රැකියා සොයා ගම්බිම් වෙත පිටත්ව යාම ප්‍රතික්ෂේප කරන බවයි වාර්තා වන්නේ.
ජාත්‍යන්තර විචාරකයින් පවසන්නේ චීනයේ තරුණ ප්‍රජාව අතර ඇති රැකියා වියුක්තිය රජය හෙළි කරන ප්‍රමාණයට වඩා ඉහළ අගයක පවතින් බවයි.
මෙම වසරේදීත් සිය උපාධිය සම්පූර්ණ කරන චීන තරුණ තරුණියන් මිලියන 11.5 රැකියා වෙළඳපල වෙත යොමුවීමට අපේක්ෂාවෙන් සිටින බව සඳහන්.
ඒ හමුවේ චීනයේ රැකියා වියුක්තිය තවදුරටත් ඉහළ යනු ඇතැයි ආර්ථික විශ්ලේෂකයින් පෙන්වා දෙනවා.
