ජාත්යන්තර ක්රිකට් කවුන්සිලය විසින් ශ්රී ලංකා ක්රිකට් ආයතනයට එරෙහිව පැනවූ ක්රිකට් තහනම ඊයේ ඉවත් කෙරුණා.
ජාත්යන්තර ක්රිකට් කවුන්සිලය මාධ්ය නිවේදනයක් නිකුත් කරමින් සදහන් කළේ වහාම ක්රියාත්මක වන පරිදි එම තහනම ඉවත් කිරීමට කටයුතු කර ඇති බවයි.
ක්රීඩා අමාත්ය හරීන් ප්රනාන්දු මහතා විසින් ද සිය එක්ස් ගිණුමේ පණිවිඩයක් තබමින් මීට පෙර මේ බව සදහන් කළා.
ක්රිකට් ආයතනයේ පරිපාලනයට දේශපාලන මැදිහත් වීම් සිදු වන බව පවසමිනුයි ශ්රී ලංකා ක්රිකට් ආයතනයේ සාමාජිකත්වය අත්හිටුවීමට ජාත්යන්තර ක්රිකට් කවුන්සිලය පසුගිය නොවැම්බර් 10 වැනිදා පියවර ගත්තේ.
ශ්රී ලංකා ක්රිකට් ආයතනය සාමාජිකයෙකු ලෙස සිය බැදීම් බරපතල ලෙස කඩකරමින් සිටින බව ජාත්යන්තර ක්රිකට් කවුන්සිල මණ්ඩලය එදින රැස් වූ අවස්ථාවේ දී තීරණය කර තිබුණා.
විශේෂයෙන්ම, ක්රිකට් ආයතනයේ කටයුතු ස්වාධීනව කළමනාකරණය කිරීමේ අවශ්යතාවය හා ශ්රී ලංකාවේ ක්රිකට් ක්රීඩාවේ පාලනය,
නියාමනය හෝ පරිපාලනය සඳහා රජයේ මැදිහත්වීමක් සිදු නොවන බවට සහතික වීමට නොහැකි වීම එම තීරණය ගැනීමට හේතු වූ බවයි ජාත්යන්තර ක්රිකට් කවුන්සිලය සදහන් කළේ.
