පරිගණක ආශ්රිත අපරාධ (Cyber Crime) සම්බන්ධයෙන් විමර්ශන පැවැත්වීම සහ එම අපරාධ වැළැක්වීමට නව පොලිස් කොට්ඨාසයක් පිහිටුවීමට තීරණය කර ඇත.
පොල්පිටිය නව පොලිස් ස්ථානය පසුගිය 06 වැනිදා විවෘත කිරීමේ උත්සවයට සහභාගි වෙමින් මහජන ආරක්ෂක හා පාර්ලිමේන්තු කටයුතු ඇමැති ආනන්ද විජේපාල මහතා මේ බව සඳහන් කළේය.
එහිදී වැඩිදුරටත් අදහස් දැක්වූ ඇමැතිවරයා මෙලෙස ද කීවේය. “දිනකට පරිගණක ආශ්රිත අපරාධ 23ත් 25ත් අතර ප්රමාණයක් වාර්තා වෙනවා. එය සැලකිය යුතු ඉහළ සංඛ්යාවක්. එම අපරාධ කාර්යක්ෂමව විමර්ශනය කර විසඳාගැනීමට අවශ්ය නව තාක්ෂණය, විශේෂ දැනුම සහ පොලිස් දෙපාර්තමේන්තුවේ නවීකරණ ක්රියාවලිය ක්රමානුකූලව ක්රියාත්මක කරමින් සිටිනවා. ශ්රී ලංකා පොලීසිය ඉතා විශිෂ්ට, කාර්යක්ෂම සහ අදූෂිත දෙපාර්තමේන්තුවක් බවට පත් කිරීම රජයේ ප්රධාන අරමුණයි. ඒ සඳහා නිරන්තරයෙන් කටයුතු කරමින් සිටිනවා.
දක්ෂ නිලධාරීන්ට ඉහළට යා හැකි සුදුසු වටපිටාවක් නිර්මාණය කිරීමටත්, වැරදි කරන නිලධාරීන් පොලිස් සේවයෙන් ඉවත් කිරීමටත් ක්රමවේද සකස් කර තිබෙනවා. මහත් කැපවීමකින් කටයුතු කරන නිලධාරීන්ට ඔවුන් කරන කැපවීමට ප්රතිදාන දීමට ද පියවර ගන්නවා.”
