පියාගේ ජංගම දුරකථනය පාසලට ගෙන ගිය පසු විදුහල්පතිවරයා භාරයට ජංගම දුරකථනය ගැනීම හේතුවෙන් පහලොස් හැවිරිදි පාසල් සිසුවියක වස පානය කර සිය දිවිනාසා ගෙන ඇති බව ගලෙන්බිදුණුවැව හුරුළුනික වැව ප්රදේශයෙන් වාර්ථා වනවා.
ගලෙන්බිඳුණුවැව පොලිස් වසමට අයත් අංක 617/B ජනසිරී ගම හුරුලුනික වැව ලිපිනයේ පදිංචි ගලෙන්බිදුණුවැව හුරුළුනිකවැව අනුර විද්යාලයේ 10 වැනි ශ්රේණියේ ඉගෙනුම ලබන 15 හැවිරිදි දැරියක් මෙලෙස සිය දිවි නසා ගෙන ඇති බවට ගලෙන්බිදුණුවැව පොලීසිය පවසනවා.
මෙම ශිෂ්යාව ඉකුත් 04 වැනි දින ජංගම දුරකථනය පාසලට ගෙන ගොස් ඇති අතර, අදාළ ජංගම දුරකථනය විදුහල්පතිවරයා භාරයට ගෙන පසු දින පියා සමඟ පාසලට පැමිණෙන ලෙසට විදුහල්පතිවරයා අවවාද කර ඇති අතර, ඒ හේතුවෙන් මෙම ශිෂ්යාව වස පානය කර ඇතැයි ආරංචි මාර්ග සඳහන් කරන්නේ .
බැටරිය ආරෝපණය නොවීම හේතුවෙන් භාවිත නොකර නිවසේ ඉවත දමා තිබූ තම පියාගේ ජංගම දුරකථනයක් නිවැසියන්ට හොර රහසේ වෙනත් බැටරියක් යොදා ක්රියාත්මක කර එය පාසලට රැගෙන ගොස් ඇති බවට අනාවරණය වී තිබෙනවා.
පසුව මේ සම්බන්ධයෙන් විදුහල්පතිවරයාට තොරතුරු ලැබී ඒ පිළිබඳ සොයා බැලීමට එම සිසුවියගේ බෑගය පරික්ෂා කල විදුහල්පතිවරයාට ජංගම දුරකතනය හමුවීමෙන් පසු සිය භාරයට ගෙන ඇති අතර ඒම පාසලෙම ඉගෙනුම ලබන ඒම සිසුවියගේ සහොදරයා ගෙන්වා සොහොයුරිය විසින් පාසලට ගෙන එන ලද ජංගම දුරකථනය නැවත ලබා දීම සඳහා පසු දින පියා සමඟ පැමිණෙන්නැ යි අවවාද කර ඇති අතර එදිනම පාසල නිමවී සවස් කාලය සිසුවියගේ සොහොයුරා සිය දෙමාපියන්ට විදුහල්පති වරයා ගේ පණිවිඩය ලබා දී ඇති නමුත් දෙමාපියන් කිසිවක් සිසුවියට නොපවසා පසු දින පාල වෙත යාමට සුදනම් වෙන බව පමනක් දැනුම්දී ඇති බව මුලික පොලිස් විමර්ශණ වලින් අනාවරණය වු බව ගලෙන්බිදුණුවැව පොලිසිය අනාවරණය වී ඇත.
නමුත් ඉන් කලබලයට හා බියට පත් වී ඇති දැරිය නිවසේ තිබූ සිය පියා ගොවිතැන් කටයුතු සඳහා භාවිත කිරිමට ගෙනවිත් පියාගේ කාමරයේ තබා තිබු වස වර්ගයක් පානය කර ඇති බව වාර්තා වෙයි.
පෙරේදා (05) උදැසන 6.00 පමන සිසුවිය තම පියාගේ කාමරයේ තිබු වස බොතලයෙන් අවුන්ස 02 කට ආසන්න ප්රමානයක් පානය කොට සිසුවියට වෙන් කර තිබු කාමරයේ දොර වසාගෙන ඇදෙහි නිදා සිටියදී යම් කෙදිරියක් ඇති දෙමාපියන් විපරම් කර බලන අවස්ථාවේ ඇය වසපානය කොට ඇති බව දැක කඩිනමින් ගලෙන්බිදුණුවැව ග්රාමිය රෝහලට ඇතුලත් කිරිමට කටයුතු කර ඇති අතර එම රොහල් වෛද්ය කන්ඩායම වැඩි දුර ප්රතිකාර සදහා ගිලන්රථයක් මගින් වස පානය කළ සිසුවිය කඩිනමින් අනුරාධපුර ශික්ෂණ රෝහලට ඇතුළත් කළ ද ඇය මිය ගිය බව රොහල් ප්රකාශකයකු සදහන් කර සිටියා.
මේ පිළිබඳ ගලෙන්බිඳුණුවැව පොලිසියේ ස්ථානාධිපති ප්රධාන පොලිස් පරීක්ෂක දිසානායක මහතාගෙන් අප කළ විමසීමක දී ඔහු පැවසුවේ, 05 වැනි දා උදෑසන 06.30ට පමණ ශිෂ්යාව සිය නිවසේ දී වස පානය කර ඇති බවයි.
මේ අතර, වාර්තා වන අන්දමට ඇයගේ ප්රේම සම්බන්දයක් පිළිබද මිට පෙර අවස්ථාවක දැරියට තම පියා විසින් අවවාද කොට තිබු බවත් , මිය ගිය දැරියගේ පියා වන සමනල ගෙදර සිරිසේන කියා සිටි අතර ඔහු තම දියණියගේ මියයාමේ අත්දැකීම මුල් කරගෙන රටහි සමස්ථ වැඩිහිටියන්ගෙන් ඉල්ලා සිටින්නේ තම දරුවන් පිළිබද නිරන්තරයෙන් අවධානයෙන් කටුතු කරන ලෙසත් අධ්යාපන කටයුතු හැර කිසිදු අවස්ථාවක ජංගම දුරකතන ලබා නොදෙන ලෙසත් ඒ් අයුරින් තම දරුවා පිළිබද නිසි අධිෂණයක් හා අවධානය යොමු නොකිරිම හේතුවෙන් සුළු සිදුවිමක් මුල් කරගෙන තමන්ට දරුවෙක් හා රටට තවත් අධ්යාපනයට දක්ෂ දරුවෙක් අහිමි වු බවයි.
සිද්ධියට අදාළ වැඩිදුර පරික්ෂණ ගලෙන්බිදුණුවැව පොලිස් ස්ථානය මගින් සිදු කරණු ලබයි.
