නේපාලයේ හදිසි ජල ගැලීම හේතුවෙන් මියගිය පුද්ගලයින් ගණන 734ක් දක්වා ඉහළ ගොස් තිබෙනවා. එමෙන්ම මෙම ආපදා තත්ත්වය හේතුවෙන් තවත් පුද්ගලයින් 2,400කට වැඩි පිරිසක් තවදුරටත් අතුරුදන්ව ඇති බවයි සඳහන් වන්නේ. මේ අතර, මෙම ආපදාවට හේතුවී ඇතැයි පැවසෙන ග්ලැසියර කඩා වැටීම ගෝලීය උණුසුම ඉහළ යාම හේතුවෙන් සිදුව ඇති බවට තොරතුරු වාර්තා වනවා. විදෙස් මාධ්‍ය වාර්තා කළේ, ගෝලීය උණුසුම හේතුවෙන් හිමාලයේ ග්ලැසියර, අයිස් බිම් සහ හිම තට්ටු දියවීම වේගවත් වී ඇති බවට විද්‍යාඥයින් පවසා ඇති බවයි. එමෙන්ම උණුසුම වැඩිවීම හේතුවෙන් කඳුකරයේ ඇතැම් උස් ප්‍රදේශවලට මේ වන විට වැසි ඇද හැලෙමින් පවතින බව ද ඔවුන් සඳහන් කරනවා.
