උසස් පෙළ පෙළ විභාගයට අදාල උපකාරක පන්ති, සම්මන්ත්‍රණ සහ වැඩමුළු මෙම මස 17 වැනිදා සිට තහනම් කර ඇති බව විභාග දෙපාර්තමේන්තුව පවසනවා.
2022 අ.පො.ස උසස් පෙළ විභාගය මෙම මස 23 වැනිදා ආරම්භ වීමට නියමිත බවත්, ඊට දින 05 කට පෙර උපකාරක පන්ති ඇතුළු සියලුම ක්‍රියාකාරකම් අත්හිටුවීමට තීරණය කර ඇති බවත් එම දෙපාර්තමේන්තුව වැඩිදුරටත් සඳහන් කළා.
මේ අතර 2022 වසරට අදාළව අධ්‍යයන පොදු සහතික පත්‍ර සාමාන්‍ය පෙළ විභාගය ලබන මැයි මාසයේ පැවැත්වීමට සැලසුම් කර ඇති බව විභාග දෙපාර්තමේන්තුව පවසනවා.
කෙසේ වෙතත් විභාගය පවත්වන දින සම්බන්ධයෙන් මෙතෙක් තීරණය කර නොමැති බවයි විභාග කොමසාරිස් ජනරාල් අමිත් ජයසුන්දර මහතා පෙන්වා දෙන්නේ.
විභාගය පැවැත්වීම සඳහා අනුමැතිය ලබා දිය යුත්තේ අධ්‍යාපන අමාත්‍යාංශයයි.
විෂය ආවරණ කටයුතු සහ ඉගැන්වීම් ක්‍රියාවලිය පිළිබඳව සලකා බැලීමෙන් අනතුරුව අධ්‍යාපන අමාත්‍යංශය විසින් අනුමැතිය ලබා දීමෙන් පසු විභාගය පැවැත්වෙන දිනයන් නිශ්චිතව ප්‍රකාශයට පත් කරන බවයි විභාග කොමසාරිස් ජනරාල්වරයා වැඩිදුරටත් සඳහන් කළේ.
