සංචාරක වීසා මගින් ශ්‍රී ලාංකිකයින් මැලේසියාවට යවන තවත් ජාවාරමක් අනාවරණ වී තිබෙනවා.
ඒ මැලේසියාවේ සංචාරය සඳහා යාමට පැමිණි 14 දෙනෙකුගෙන් සමන්විත ශ්‍රි ලාංකිකයින් පිරිසක් සම්බන්ධයෙන් කළ විමර්ශනයේදී.
මෙම පිරිස කටුනායක ගුවන් තොටුපොල බලධාරීන් විසින් පරික්ෂා කිරීමේදී, ඉන් නව දෙනෙකු සංචාරක වීසා මගින් මැලේසියාවේ රැකියා සඳහා යාමට උත්සහ කර ඇති බවටයි හෙළිව ඇත්තේ.
කාන්තාවන් සිව් දෙනෙකු හා පිරිමි පුද්ගලයින් පස් දෙනෙකු මෙම පිරිසට අයත්.
Air Asia ගුවන්යානයක් මගින් මෙම පිරිස මැලේසියාවට රැගෙන යාමට ජාවාරම්කරුවන් උත්සහකර තිබුනා.
සංචාරක වීසා මගින් විදේශ ගතවීම ට උත්සහ කිරීම සම්බන්ධයෙන් විදේශ සේවා නියුක්ති කාර්යාංශයේ ගුවන් තොටුපොල ඒකකයේ නිළධාරීන් හා අපරාධ පරීක්ෂණ දෙපාර්තමේන්තු නිළධාරීන් විසින් දීර්ඝ ලෙස ප්‍රශ්න කිරීමෙන් අනතුරුව ජාවාරම පිළිබඳ කරුණු අනාවරණය වී තිබෙනවා.
ජාවාරම මෙහෙයවූ පුද්ගලයින් අත්අඩංගුවට ගැනීම සඳහා විමර්ශන ක්‍රියාත්මකයි.
සැකකටයුතු පිරිස කාර්යාංශයේ විමර්ශන අංශය වෙත යොමුකර ඇති බව විදේශ සේවා නියුක්ති කාර්යාංශය සඳහන් කළා.
