දෙදින නිල සංචාරයක් සඳහා ඉන්දීය විදේශ අමාත්ය එස්. ජයශංකර් මහතා ඇතු`ඵ දූත පිරිස අද පස්වරුවේ දිවයිනට පැමිණීමට නියමිතයි.
එම සංචාරයේදී ඉන්දීය විදේශ අමාත්යවරයා ජනාධිපති රනිල් වික්රමසිංහ මහතා, අග්රාමාත්ය දිනේෂ් ගුණවර්ධන මහතා ඇතු`ඵ රජයේ නියෝජිතයන් හමු වී සාකච්ඡා කරන බවයි විදේශ කටයුතු අමාත්යාංශය නිවේදනය කළේ.
වත්මන් ආර්ථික අර්බුදය තුළ ශ්රී ලංකාවට සහාය දැක්වීම සම්බන්ධයෙන් ධනාත්මක ප්රතිචාරයක් ලබා දීමට ඉන්දීය විදේශ අමාත්ය එස්. ජයශංකර් මහතා මෙම සංචාරයේදී අපේක්ෂාවෙන් පසුවන බවයි ඉන්දීය මාධ්ය පසුගිය දා වාර්තා කළේ.
එහිදී බලශක්ති ආහාර සුරක්ෂිතතා සහ විනිමය හුවමාරුව සම්බන්ධයෙන් මෙන්ම ණය ප්රතිව්යුහගතකරණය පිළිබඳ සාකච්ඡා පැවැත්වීමට නියමිතයි. පසුගිය වසරේදී මෙන්ම ශ්රී ලංකාවේ අවශ්යතා සඳහා ධනාත්මක ප්රතිචාරයක් ලබා දීමට ඉන්දීයාව අපේක්ෂාවෙන් පසුවන බව ද සඳහන්.
අත්යාවශ්ය ද්රව්ය මිලදී ගැනීම සඳහා ණය සහ ණය ආධාර පහසුකම් ඇතු`ඵ ඩොලර් බිලියන 4ක පමණ ඒකාබද්ධ පැකේජයක් ආසියානු නිෂ්කාශන සංගමය හරහා ලබා දීම සම්බන්ධයෙන් ද ඉන්දීය විදේශ අමාත්යවරයාගේ සංචාරයේදී බලාපොරොත්තු තබා ගත හැකි බවයි ඉන්දීය මාධ්ය වැඩිදුරටත් කියා සිටියේ.
