හමාස් නායක යාහ්යා සින්වාර් ගාසා තීරයේදී ඝාතනය කර ඇති බව ඊශ්‍රායල විදේශ අමාත්‍යවරයා පවසනවා.
ඊශ්‍රායල ආරක්ෂක හමුදා නිවේදනයක් නිකුත් කරමින් කියා සිටියේ ”වසරක කාලයක් පුරා ලුහුබැඳීමෙන් ” පසුව දකුණු ගාසා තීරයේ මෙහෙයුමකදී සින්වාර් මෙලෙස සිය හමුදා විසින් ඝාතනය කළ බවයි.
ඊශ්‍රායල විදේශ අමාත්‍යවරයා විසින් ද මේ බව තහවුරු කළ බවයි එහි වැඩිදුරටත් දැක්වේ.
තම ප්‍රහාරයකින් හමාස් නායක යහියේ සින්වාර් මියගොස් ඇතැයි තමන් තදින් විශ්වාස කරන බව ඊශ්‍රායල හමුදාව මීට පෙර පවසා තිබුනද
එම මරණය තහවුරු කරගැනීමට සැකකටයුතු මළසිරුරක් පරික්ෂා කරමින් සිටින බවද ඔවුන් එහි වැඩිදුරටත් සඳහන් කර තිබුනා
හමාස් නායක යාහ්යා සින්වාර් මියයෑමෙත් සමඟ හමාස් ග්‍රහණයේ පසුවන සියලු ඊශ්‍රායල ප්‍රාණ ඇපකරුවන් වහා නිදහස් කිරීමට හමාස් සංවිධානය කටයුතු කළ යුතු යැයි ප්‍රංශ ජනාධිපති ඉමැනුවෙල් මැක්රොන් පවසා තිබෙනවා
නේටෝ හෙවත් උතුරු අත්ලාන්තික් ගිවිසුම් සංවිධානයේ මහ ලේකම් මාර්ක් රූට් බ්‍රසල්ස් නුවර පැවැති මාධ්‍ය හමුවකදී පැහැදිලි කර ඇත්තේ, යාහ්යා සින්වාර්ගේ මරණය ගැන දුක් වන කිසිවකු නොමැති බවයි.
