යුරෝපා සංගමයට අයත් රටවල ජීවන වියදම ඉහළ යාමට විරෝධය පල කරමින් විශාල පිරිසක් බ්රසල්ස් නුවර දී විරෝධතාවක් පළ කර තිබෙනවා.
මේ අනුව බෙල්ජියම සහ යුරෝපා සංගමයට අයත් රටවල් රැසක පවතින ඉහල උද්ධමනය, බලශක්ති මිල ඉහළ යාම සහ වැටුප් වැඩි කරන ලෙස ඉල්ලමින් මෙම විරෝධතාව ආරම්භ කර තිබෙනවා.
බෙල්ජියම් අගනුවරට විරෝධතාකරුවන් දහසය දහසකට වැඩි පිරිසක් එක්ව සිටි බවයි විදෙස් වාර්තාවල දැක්වුණේ.
බ්රස්ල්ස් නුවර ඇතුළු නගර රැසක මෙම විරෝධතාව ක්රියාත්මක බවයි සඳහන් වන්නේ. එමෙන්ම ඇතැම් වෘත්තිය සමිති ද මෙම විරෝධතා සඳහා එක්ව සිටිනවා.
මේ අතර බ්රසල්ස් නුවර ගුවන්තොටුපළේ ගුවන් ගමන් ද අවලංගු කර ඇති බවයි වාර්තා වුණේ.
යුක්රේන රුසියා යුද්ධය සහ කොවිඩ් 19 හේතුවෙන් ඇති වු ආර්ථික ආතතිය හේතුවෙන් යුරෝපයේ ගෑස් සහ විදුලි මිල අධික ලෙස ඉහළ ගොස් තිබෙනවා.
කෙසේ වෙතත් පසුගිය මාසයේ දී බෙල්ජියමේ උද්ධමන අගය සියයට 10.63 ක් දක්වා ඉහළ ගොස් තිබු අතර සමස්ත යුරෝපා කලාපයේ පාරිභෝගික උද්ධමනය සියයට 10 කින් පමණ ඉහළ ගොස් තිබෙනවා.
