2026, කාන්තා ආසියානු කුසලාන ක්රිකට් තරගාවලියේ එක්සත් අරාබි එමීර් රාජ්ය සමඟ පැවැති තරගය කඩුලු 9කින් ජයගැනීමට ශ්රී ලංකා කණ්ඩායම සමත්වුණා. තරගයේ ප්රථමයෙන් පන්දුවට දුන් එක්සත් අරාබි එමීර් රාජ්ය කණ්ඩායම පන්දුවාර 19.5ක් තුළ සියලු දෙනා දැවී රැස්කරගත් ලකුණු සංඛ්යාව 79ක්. එහිදී ඊෂා ඕසා ලකුණු 18ක් සහ සමීරා ධරනි ධර්කා ලකුණු 17ක් ලබාගත්තා. පන්දුයැවීමේදී මිතලි අයෝධ්යා සහ චේතනා විමුක්ති කඩුලු 3 බැගින් බිඳහෙළීමටයි සමත්වුණේ. ජයග්රහණය සඳහා ලකුණු 80ක ඉලක්කයක් හඹා ගිය ශ්රී ලංකා කණ්ඩායම පන්දුවාර 7.5ක් තුළ එක් කඩුල්ලක් දැවී තරගයේ ජය වාර්තා කළා. එහිදී චමරි අතපත්තු නොදැවී ලකුණු 48ක් ලබාගත්තා. තරගය පැවැත්වුණේ, ඩුබායි අන්තර්ජාතික ක්රිකට් ක්රීඩාංගණයේදීය.
